Archives ou correspondance inédite de la maison d'Orange-Nassau (première série). Tome VII 1579-1581

* Lettre CMXIX.
Léoninus au Comte Jean de Nassau. Relative à Bois-le-Duc.

*_** Les conseils de l'Abbé de St. Gertrude (voyez la Lettre 904) furent bientôt suivis. Le 24 sept. les Commissaires de l'Empereur

[p. 65]

⁺dèclarent n'avoir pas encore reçu de réponse définitive ‘ab ullâ provincià vel civitate, nisi a solâ civitate Buscoducensi, quae media approbàsset:’ Acta P. Col. p. 184.

Monseigneur! Depuis mes dernières portées par mon filz, le S^r d'Immerseel a esté icy devers nous, sans que ceulx de Bois le Duc ont respondu encoires aucune chose ny à luy ny à nous, et avons trouvé bon de ne les poinct presser ou haster, à cause qu'il nous sembloit que avecq le temps, par la cessation des commerces et augmentation de leur nécessitez, ilz prendroient aultre advis et rabaisseroient leur courages trop enchauffées, et ce tant plus qu'ilz verroient par effect les villes de Nimmeghen, Bommel, et aultres asseurées contre l'ennemy commun et ses practiques soubz ombre de la paix, laquelle ilz se persuadoyent par avant que les dits villes sans doubte accepteroyent, espérant que de ceste ville il n'aura doresenavant nulle doubte, et que les bourgeois feront serment de demourer fidèles à son Exc. et à la ville, et qu'ilz envoyeront et remectront le tout ès mains d'icelle... De Bommel, le 26^me d'aoust 1579.

De v.S. humble serviteur,

Elbertus Leoninus.

A Mons^r Jéhan Conte de Nassau, à Utrecht.

+ 1579. Août.