Archives ou correspondance inédite de la maison d'Orange-Nassau (première série). Tome VIII 1581-1584

† Lettre MXLIII.
Le Conseil d'Etat à la Régence de Gand. Exhortation à suivre les ordres de la Généralité (MS. G., o. br. 1581).

Messieurs. Vous ne debvez ignorer que, tant par les

[p. 18]

⁺derniers recès des Estatz-Généraux, tenuz en Hollande, que par l'Instruction à nous donnée par vous ou voz députez à ce plainement authorisez, comme ilz vous pourront avoir faict rapport, l'employ et dispensation des deniers et la conduicte de la guerre et ce qu'en dépend, mesmes la levée et cassement de tous gens de guerre, est absolutement remis à la disposition et ordonnance de son Exc. et Conseil d'Estat; ce non obstant, trouvons que vous, ou voz députez, ne s'arrestantz sur noz ordornances, décernent journelement actes contraires...⁽¹⁾ De quoy, Messieurs, vous avons bien voulu advertir; ensemble vous déclairer bien et expressément que, si n'estez intentionnez de suivre et tenir la main à ce que par voz députez et tous aultres, soit suivy les dits recès et Instruction, plus que n'avez faict jusques astheure, que son Exc. et nous sommes intentionnez de remettre ès mains de Messieurs les Estatz Généraux noz commissions et charges, et protester devant eulx, comme protestons dès maintenant devant vous, que de tous inconvéniens et malheurs qu'en pourront advenir, serons devant Dieu et la povre commune excusez, vous asseurantz Messieurs, que ceste forme de Gouvernement et conduicte de la guerre estant démenée par tant de gens et si différement, selon l'appétit et humeur d'ung chiascun, souventefois bien peu expérimentez au faict de la guerre, ne peult longuement consister, ains à la fin doibt nécessairement ammener nostre totale ruine; ce que vous prions, Messieurs, de vouloir peser comme il appartient, pour vostre salut et bien de la Républicque, prennant devant voz yeulx contre quel puissánt ennemi avons à faire, mectant à part

+ 1581. Octobre.

(1) ....Suit ici un exemple de cette désobéissance.

[p. 19]

⁺toutes passions particulières, puis que ce importe tant pour la conservation et défence de la liberté de la Patrie vostre, voz femmes et enfans, laquelle les ennemis nous taischent par force d'armes oster, et nous et nostre postérité mettre soubz le joug et servitude Espaignolle, barbare, et à gens, nez libres, insupportable; comme debvez par ci-devant avoir bien expérimenté et n'est besoing de vous en faire souvenir... De Gand, le 21 d'octobre 1581.

Voz bons amys, Le Prince d'Oranges, et aultres du Conseil d'Estat ordonné par les Estatz-Généraux. Par ordonnance, etc.

J. van Asseliers.

A Messieurs les Echevins de la Keure à Gand.

La Régence de Gand avoit fréquemment besoin de remontrances pareilles. Le Prince lui écrit de Bruges, le 15 oct.. ‘ores que je vous ay escript ce matin par le courrier que m'aviez envoyé touchant la provision qu'est nécessaire pour la ville d'Auldenaerde, je n'ay peu laisser de vous faire encores⁽¹⁾ ceste itérative, et vous prier et inhorter¹ de reschieff de ne faillir, incontinent ceste veue, de donner tel ordre que ladite ville soit assez souffisament pourveue; d'aultant qu'elle importe tant pour vostre propre conservation.’ Il leur envoye des députés pour les informer ‘aussy touchant les pensionnaires que vous retenez en service, nonobstant qu'ilz ont refusé de faire le serment des eschevins, et mesmement tous aultres habitans de vostre ville qui ont refusé d'abjurer le Roy d'Espaigne, suivant le placcart et résolution de Messeigneurs du Conseil d'Estat sur ce prinse’ († MS. G.).

+ 1581. Octobre.

(1) encores. Le 7 oct. le Prince leur avoit écrit à ce sujet: de Jonge, Onuitg. St. II. 70. Ses efforts furent vains: le 6 déc. il écrit: ‘Je suis marri que ceulx d'Audenarde se veullent opiniastrer à ne recepvoir point plus grande garnizon; non pas, Dieu mercy, que je soy beaucoup esmeu de ce qu'ilz semblent vouloir mespriser mon authorité, mais à raison que je crains qu'ilz n'attirent l'ennemy à les assiéger:’ de Jonge, Onuitg. St. II. 73.

1 exhorter.