Archives ou correspondance inédite de la maison d'Orange-Nassau (première série). Tome VIII 1581-1584

Lettre MLXXI.
La Comtesse Marie au Comte Jean de Nassau. Nouvelles du Prince d'Orange.

Wolgeborner frundtliche hertzalderlipster Her Vatter.... Ich hab E.L. ongeferlich for eyn wogen² oder 4 geschreiben undt E.L. bericht von dem ongelukkeliche zustant der mein hertzliber Her Vatter alhir begegenet ist; kan mich nicht genouck verwonderen wy es ymer zughet das ich gar kein antwort von E.L. becom; ich kan draus anders nicht abnemen den das E.L. onser hir

2 woche.

[p. 88]

⁺al vergessen⁽¹⁾ ist undt niet fil nach ons fracht, welches mich eyn wenig verdrust das ons E.L. niet eynmal in onser grosse bekümernis mit eyn klein brifgen besucht hat. Wir sein verwar eyn weil zeit hir in grosse srecken¹ undt betrübenis gewest, den wir anders niet meinte alsdas me her² sterben sol; den 14 dagen nach das der schos geschen war, kam m.G. Her so eyn gewaltich bludens an, dorch eyn ader dy eyn wenig getroffen war, das wir anders nicht wusten den me her sol sich verblutte, undt das wert³ etteliche dage; was man dhet, man kon 's niet stillen: me her wart auch so mat und krafftlos das man nicks erwart als dy stont des dotts, wy sich me her auch gans undt gar sich selbers schon dorin ergeben hat, den er ons alle zumal eynne goude nacht gab undt sacht: ‘es ist nou mit mir gedan.’ E.L. künnen nümer geleben wy ons zu mut war das wir me her in so grosse pein sagen undt konten im nicht helfen: den dack⁴ wert mir nümer aus dem sin kommen; man mach's gewis wol sagen das es eyn wonderbarlich werck Gottes ist das me her so darvon ist kommen, den es noumer wider zimelich mit me her ist, den es ist ongeferlich an dy 14 dagen das me her nicht mer geblut hat, undt dy doctoren und barbiren meinen es sal nou kein not mer haben, undt das me her balt wider sein vorige gesontheit wert haben, welches

+ 1582. Avril.

(1) vergessen. Cette conclusion étoit fort hasardée. Albada écrit le jour de Pâques à van der Mylen: ‘Comes Johannes sollicitus est de eventu casus illius qui Illustr. Principi fratri suo accidit. Nuncios audit, sicut ego, sed varios et incertos; quo magis sollicitus est. Aliquoties a me aliquid certi scire postulat:’ Epist. sel. p. 883. Voyez les excuses de la Comtesse p. 90.

1 schrccken.

2 mein Herr.

3 währte.

4 tag. Holl. dag.

[p. 89]

⁺ich Gott von hertzen bit das geschen mach; es mus sich aber me her noch gar stil halten undt darff nit fil reden; das ist wol dy orsach das Philips¹ E.L. auff allen sachen kein antwort wert künnen brengen, den dy doctoren sagen das man me her itziger zeit noch mit keinne gescheften en darff bemuen...... Ich wult das es mügelich wer das E.L. me her itzet² sehen mücht, wy er sich geändert hat undt mager ist worden; es ist nor³ hautt und bein an im; ich hoff aber dasselbige sol balt wider kommen wan er nor anfenckt zu essen, den bisher hat er noch gar kein fleis gessen, nor allein brü⁴-wasser-suppe und dergeleigen ingenomen, den er kan noch niet wol kauen, aber ich geleb in eyn dack oder 3 wert me her anfangen etwas zu essen undt versugen wy es im becommen sal... In ser grosser eil, den 18 Mertz⁵.

E.L. gans dinstwilliche undt getrue dochter dy zeit meines lebens,

M.F.v.N.u.O.

+ 1582. Avril.

1 Ph. Engel.

2 jetzt.

3 nur.

4 brod.

5 Erreur de date: lisez avril.