Archives ou correspondance inédite de la maison d'Orange-Nassau (première série). Tome VIII 1581-1584

† Lettre MLXXVI.
Le Cardinal Granvelle à Fonck. Affaires, des Pays-Bas (MS. B. GR. XXXII p. 87.).

*_** Granvelle eut longtemps, dans le sens litteral du mot, de la peine à croire que le Prince d'Orange ne fut pas mort. Il écrit le 28 avril à M. de Bellefontaine: ‘....Vous sçavez que je n'ay oncques heu grand espoir de la délivrance de M^r de Champagné, pendant que le Prince d'Oranges vivroit et auroit crédit des Pays d'embas: il est mort, cela me faict espèrer mieulx de ceste délivrance, et a esté son heur que les Gantois se soient résoluz, de sur la grande instance qu'en faisoit Oranges, l'on ne luy aye donné...’ (MS. B.B.I. p. 257). Le 5 juillet 1582 ‘....Je tiens le Prince d'Orange pour mort, sans m'arrester [à] ce que dient les François, qu'il est guéri et vad partout; car il est invisible, et s'il vivoit, feroit plus de bruyt, et peult-estre ne comporteroit au Duc d'Anjou ce qu'il faict, que veult commander fort absolutement à la Françoise, dont plusieurs ne sont contens, et si Aldegonde ha mené à Vlessinghe l'ung des filz dudit Oranges, Mauris, pour l'en mectre en possession, cela faict plus penser qu'il soit mort. J'espère bien plus de la délivrance de Monsieur de Champagney que quant ledit Oranges vivoit et l'espérerois encoires plus, si ledit d'Aldegonde estoit mort....’ (MS. B.B.I. p. 265). Et même encore le 8 sept. il croit toujours que le Prince d'Orange est mort, et ‘qu'à sa place on conduit quelque fantôme qui ne parle’ († MS. B. Gr. xxxii). A.M. de Bellefontaine, le 23 sept.: ‘On ne voit pas que le Prince d'Orange face action d'homme vivant’ (MS. B.B. II. p. 289).

[p. 98]

⁺.... Il fut esté bon pour les affaires que le Prince d'Oranges fut mort soubdaynement, car je m'asseure qu'il aura procuré, devant que de sortir du monde, d'accommoder ses bastard et sa nonnain, mère d'iceulx, et d'entabler¹ practiques pour establyr, tant qu'il aura peu, le Duc d'Alançon, afin que de luy ses dits bastards ayent quelque port², mais j'espère qu'il le payera, comme il ha faict de trahyre [Don Juan]; peult estre a Dieu laissé le dict d'Oranges plus longuement en vie pour le plus chastyer en ce monde et aussy en l'aultre, si les douleurs et tormentz qu'il a sentu ne l'ont faict recongnoistre envers la divine Majesté; je tiens que l'on a tenu cachée sa mort quelques jours, et mesmes pour le temps que l'on dict que nul n'estoit admis vers luy sinon les médecins. Sainte Aldegonde s'est incontinent rangé au Duc d'Anjou, qui de luy se sert principallement. Je vouldrois que, pour l'affection qu'il portoit au dit d'Oranges, il se fut faict ensevelir avec luy, comme se souloit faire aux Indes des femmes plus aymées des Princes de ce coustel-là. Je tiens que, quel qu'il soit, Alançon aura bien à faire de drapper³ avec Hollandois, Zeelandois, Frisons, Flamands, Gueldrois, et aultres, dont il ne sçaist la langue et avec son nez de pantouffles aura bien à faire de se mectre tant en grâce du peuple, comme estoit le dict d'Oranges, qui sçavoit hanter, converser, et boyre avec eulx, et avec la langue les tyrer à ce qu'il vouloit....

.... Le traicté faict l'an 48 avec les Estatz de l'Empyre est nécessaire, comme vos lettres contiennent, pour la bonne conduicte des Pays d'embas et pour éviter nul inconvénient, mais cela n'entendent pas ceulx de pardeçà,

+ 1582. Mai.

1 préparer, mettre en train.

2 refuge.

3 s'entendre.

[p. 99]

⁺et est grand mal que, ny le conseillier d'Assonlenville, que ne sçayt la langue Allemande, ni l'aultre de pardelà, n'ayent tenu plus de compte du regard qu'il convenoit avoir¹ à l'endroit de l'Empyre, et je ne veulx excuser nostre Prince que de son-coustel il n'y ait faict faulte en avoir envoyé Ambassadeurs Espagnolz pour complaire à l'Impératrice, qui non seullement ne scavoyent la langue allemande et latyne, mais que n'estoient oncques sorty d'Espagne, ny n'avoient congnoissance aulcune des affaires des Pays d'embas.... Madrid, 12 mai.

+ 1582. Mai.

1 ayant.