Archives ou correspondance inédite de la maison d'Orange-Nassau (première série). Tome VIII 1581-1584

† Lettre MLXXV.
Le Cardinal de Granvelle à la Duchesse de Parme. Réflexions diverses (MS. B. GR. XXXII. p. 74).

*_** Cette Lettre et quelques autres, écrites d'Espagne en avril, furent interceptées. Bor les publie: II Bijv. p. 101 - 113.

....Je ne sçay quelle rotture¹ de guerre nous attendons, faisant le Duc d'Anjou ce qu'il faict du sçeu et consentement de son frère et avec son assistence, comme aussi il ayde à la Royne sa mère, qui ouvertement se joinct pour nous faire la guerre avec Don Antonio; il est bien cler que, s'ilz pouvoient faire dadvantaige, ilz le feroient, mais nous ne nous sçavons ayder de noz forces, ny les congnoistre, ny considérer en quel estat sont ceulx qui nous inquiétent à tous coustelz, jusques à procurer la descente de l'armée du Turc....

.... Y-a. plus de 15 ans que j'ay solicité sa M. estredeschargé de l'Eglise de Malines, que comme v. Alt. sçait j'accepta fort mal voluntiers car je prévéois² assez ce qu'en adviendroit, et par mon absence l'on ne consuyvoit³ le fruyt que sa M. prétendoit par l'union des abbayes aux

1 rupture.

2 prévoyois.

3 obtenoit (consequi).

[p. 97]

⁺Eveschez, qu'estoit afin que les Evecques entrevinssent en la négociation des Estatz de Brabant, pour s'opposer au Prince d'Oranges et aultres de sa suyte, qui troubloient les affaires et pour encheminer mieulx lés abbez, lesquelz, abusez du dit Prince d'Oranges, luy ont donné la commodité de mal faire à eulx mesme et à la reste... Madrid, 27 avr.

+ 1582. Avril.