Lettre MCXX.
Ga naar margenoot+La Princesse d'Orange au Comte Jean de Nassau. Recommandation en ses bonnes grâces.
Monsieur! Je vous suplye de m'escuser, sy je ne vous ay encore escrit, depuis que j'ay eu cest honneur de vous estre alyée, car je n'en ay point eu l'occasion commode jusques à cest heure, par le retour de vostre SecrétayreGa naar voetnoot(1), par lequel je n'ay voulu faillyr vous fayre entendre que me sentant tant honorée de Dieu que d'avoir mis au coeur de Monseigneur le Prince de me prendre pour sa compagne, j'ay recognu n'estre des moindres faveurs que Luy a pleu de me fayre de m'avoir alyée de tant de Seigneurs de grande qualité, et principalement qui ont la crainte de Dieu, entre lesquels, Monsieur, comme vous tenés le premier rang, aussy je me tiens la première en volunté de vous fayre bien humble service, vous suplyant qu'en ceste qualité j'aye eest honneur d'avoir part en vos bonne grâces, que je tiendré infiniment chères et que je m'essayeré de conserver par tous les services que je penseré vous estre aggréable. En ceste voulonté (craygnant de vous estre importune de trop long discours) je vous baysseré très-humblement les mains et prieray Dieu, Monsieur, vous donner très-heureuse et très-longue vye. d'Anvers, ce 12 de juillet.
Vostre humble et ob éissante seur à vous faire cervice,
Louyse de Coligny.
A Monsieur le Conte Jean de Nassau.
Auteursrechtvrij