Archives ou correspondance inédite de la maison d'Orange-Nassau (première série). Supplément

[p. 86*]

26.
⁺Le Prince d'Orange au Landgrave Guillaume de Hesse (ms. c.). Relations avec le Duc de Clèves.

Monseigneur. Arrivant hier au soir issi j'aie receu la lettre qu'il a pleu à vostre Ex^ce m'escrire reponsive à la miene, escrite de Weilbourgk, ensamble copie des deux lettres, dont bien humblement remercie à icelle de la faveur qu'il luy plait me faire me mander si souvent de ces¹ nouvelles, comme fais aussi du résentement² qu'el ast de mes adversités, en quoy me résens tellement obligé à vostre Ex^ce qu'el se peult asseurer qu'el n'ast plus fidèl serviteur que moy; comme icelle le trouverat par effect, quand elle me ferat ceste faveur et me commander. J'ay receu hier aussi itératifes lettres de ceulx de mon Conseil, dont copie vat si joinct, par où icelle porrat veoir qu'il continue de plus en plus que le Roy se veult saisir de mon bien; j'amvoie aussi joincte à ceste à vostre Ex^ce copie d'une lettre que Monseigneur le Duc de Clèves m'ast escrite, avecque copie d'une lettre que l'Évesque de Liège luy ast escript, par où vostre Ex^ce verrat comme ilx tienent par delà la paix pour tout asseuré: je suis esté bien esmervillé que mons^r le Duc de Clèves m'at escrite la lettre, me amvoiant copie de celle de l'Évesque; car, despuis que suis parti du Païs-bas, ne m'ast jammais escrit la moindre lettre des affaires du Païs-bas, ny de celles de France, et ne peus penser si ce c'est pour entendre quelque chose de moy, présupposant que j'ay grande intelligence avecque le Prince de Condé, ou qu'il me veuille donner à cognoistre la grande peur que l'Évesque

+ 1568.

1 ses.

2 regret.

[p. 87*]

⁺et les siens ont des gens de guerre du Duc Casimirus; parquoy suis bien empesché comme luy respondre, et de tant plus que pens asseurément que cest advertissement procède plus par ceulx de son Conseil que par luy, estant en l'estat où il est; aultrement luy escriverois bien ouvertement, comme aultrefois avant sa fortune je solois faire. La responce que je luy feray amvoyeray copie à vostre Ex^ce, à laquelle bien humblement baise les mains, priant le Créateur, Monseigneur, donner à vostre Ex^ce en santé bonne vie et longe. De Dillenbourg, ce xxix de janvier A^o 1568.

De vostre Ex^ce bien humble serviteur et frère,

Guillaume de Nassau.

Monseigneur¹ Mons^r le Landtgrave Wilhelm de Hessen.

+ 1568.

1 M. - Hess. pas autogr.