Archives ou correspondance inédite de la maison d'Orange-Nassau (première série). Supplément

27.
Assurance de payement au Prince d'Orange, et sa réponse († ms).

*_** Il paroit, d'après cette pièce, que les Protestants d'Anvers avoient envoyé une députation au Prince, pour l'exhorter à venir au secours des Pays-Bas. Quand à la demande de sa vaisselle, le Prince étoit disposé à de plus grands sacrifices; mais, afin de pouvoir servir la bonne cause d'une manière efficace, il ne se fioit point à un morceau de papier.

Laus Deo 23 Apvril 1568.

Il est accordé entre quelques gens de bien, amateurs de la patrie, que, si il plaist à Monseigneur le Prince de mectre sa vasselle à la monnoye pour servir à la nécessité présente, à la charge qu'il sera rendu à son Exc. le double de la valeur de la dicte vasselle. Assçavoir, si elle

[p. 88*]

⁺vaut cincquante mille escuz, il recepvrat cent mille escus, quantla liberté de la Religion sera comme elle estoit devant le partement de son Exc. és pays d'embas, etc. Pour assurance du dict accord les dictz amateurs de la patrie donneront obligation à son Exc., chacun pour sa part.

Monseigneur le Prince, etc.

Ayant veu l'accord faict le 23 d'avril l'an 1568, entre quelques gens de bien, amateurs de la patrie, déclaire qu'il n'est pas seulement content de s'employer à la nécessité présente par le moyen par eulx proposé touchant sa vasselle, ains de sa propre personne et de tout ce que reste en son pouvoir. Et d'aultant que sa dite vaisselle et aultres moyens qu'il at, ne sont bastans pour commencher et entreprendre ung si grand faict, ains qu'il fault qu'il aye asseurance de quelque notable somme de deniers, est content avecq les seigneurs, gentilzhommes et gens de toute qualité qui luy adhérent, entreprendre le faict de la liberté de la Religion et de la patrie, moyennant et bien entendu que d'entre eulx ilz constitueront pour ostaiges pour la somme de 600,000 flor., à 20 patars la piéche, les personnes dont le snoms s'ensuyvent: à sçavoir Marcus Perez, Daniel Bomberge, Charles Bomberge, N. Pellegrom, Jehan Carlier, Jehan Daniel, N. Rinnalotti, Augustin le grand, Jehan le blond et N. Rioul, et cela entre ses mains, pour les laisser libres, quant sera satisfaict à la dicte somme, ou dedans ung demy an. Et proteste son Exc. avecq ses adhérens, s'ils ne résolvent sur ce moyen ou quelque aultre samblable, qu'ilz ont satisfaict devant Dieu et le monde. Faict le 24 d'apvril, l'an 1568.

Guillaume de Nassau.

+ 1568.