Adamus exul

Chorvs.

Sapphici cum Adonijs.

LVgeat tristi revoluta motu
AEtheris sedes, celerésque moestum
Naeniae cantum meditentur Orbes.
Lugeat moerens miseros alumnos
Terra, & humanam doleat ruinam
Pontus insuetis agitatus undis:
Túque qui curru rucilo diurnum
Promis, & celas decus alme Titan,
Fac tuos condant tenebrosa vultus
Nubila, invitus mala ne tueri

[p. 56]

 

Tanta cogaris, nitidúmque Coelum

 

Contrahat nubes pluvias, ut aër

 

Tristia Adami mala lachrymantes

 

Exprimat imbres.

 

O miser veré, miser ipse nescis

 

O brutis quantis jaceas periclis.

 

Heu tibi qualis cumulus laborum

 

Imminet! quantis agitaris undis

 

Nescius sortis! tibi jam patescet

 

Corporis nudi pudor, hunc amictu

 

Stulte frondoso, folijsq́ue tectum

 

Rere ficulnis: malesanus error

 

Sopit interni Stimulum pudoris.

 

Quis status mentis tibi, cum videbis,

 

Conscius tanti sceleris, se quelam

 

Vindicis poenae, meritóque tandem

 

Te tuâ agnosces perijsse culpâ?

 

Mille te pestes miserum sequuntur:

 

Criminis luctus memor, & malorum

 

Pertinax sensus: tibi mors severis

 

Instat à tergo metuenda telis.

 

Occidis magni decus antè mundi,

 

Cujus & Tellus priùs & profundi

 

Gurgites regnum metuêre ponti.

 

Illa fictorem referens imago

 

Occidis: tecum series minorum,

 

Spésque tam magni generis peribit.

 

Quanta delicti fuit execrandi

[p. 57]

 

Culpa, quae necdum genitos peremit?

 

Si Deus tristem tibi mortis horam

 

Proroget clemens veniâque largus,

 

Quàm tua in longum mala proferuntur?

 

Languor instabit, maciésque turpis

 

Corpori, aerumnis comès imminebit

 

Morbus, & morbo gravior Senectus.

 

Semper urgebunt alij labores,

 

Cura te semper nova, pessimúmque

 

Vita malorum.

 

Posteros omnes Hominum novercae

 

Ira Naturae sequitur, malíque

 

Criminis seros amor in nepotes

 

Transit à primo comitatus ortu.

 

Laedet haeredes sceleris paterni

 

Dira contages, animíque morbum

 

Nulla delebit mora saeculorum.

 

Dicet infami vitio parentum,

 

Dicet Adamo generata proles

 

Vnius morsu cecidisse pomi.

 

Dicet infelix soboles: scelestâ

 

Omnium matrem simulatus anguis

 

Fraude decepit: Mulier maritum

 

Capta fefellit.