Piksjitten op Snyp

Haadstik 84
Tiid wurdt taal

Nei't er de tekst in pear kear oerlêzen hat nimt De Grutsk in nij stik papier en besiket syn tinzen nochris heel koart gear te fetsjen, sa't er eartiids wol yn fersen die:

It ferbinen fan it doe mei
it ûnderweis-wêzen nei no
en de wurklikheid fan in
nije wrâld yn wurden.

De wrâlden yn de holle
binne soms oare
binne ek bewegende
binne faak status kwo.

(fjouwerkante sirkel)

Tusken de bewegingen
leit de spanning
leit de botsing
leit it geheim.

De wrâlden op papier
ferheegje de foltaazjes
troch de djipten en de hichten

[p. 301]

 

fan dat wat bart.

 

 

 

(linéêre tinkprosessen)

 

 

 

De haadpersoanen libje

 

yn de bân en de ferbjustering

 

fan de eigen wrâld en

 

tiid wurdt taal.