Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 23]
[p. 23]
Ga naar tekstkritische notentekstkritische noten

VI.

 
Alse ons onsteet de merte
 
Verquicken alle dinghe
 
Ende alle crude ontspringen
 
Ende werden sciere groene
5[regelnummer]
Alsoe doet de begherte
 
Ende die minne sonderlinghe
 
Want si wilt al verdingen
 
Ende werden in minne soe coene
 
Dat si haer al in minnen gheve
10.[regelnummer]
Ende minne met minnen leve
 
Dat hare dies iet ontbleve
 
Dies hadsi grote smerte.
 
 
 
Die op beghint te gane
 
Sie dat hi niet en verliest
15[regelnummer]
Den erenst van goeden werken
 
Ende diene doer die ere van minnen
[pagina 24]
[p. 24]
 
Ende leve in hoghen wane
 
Van dat sijn herte kiest
 
Minne salne wel ghesterken
20.[regelnummer]
Hi sal sijn lief ghewinnen
 
Want minne niet en can
 
Haer selven ontsegghen ieman
 
Si ne gheve hem dat si hem an
 
Ende meer dan daer sine selve toe spane.
 
 
25[regelnummer]
Die minne met wane draghet
 
Dien hevet noch rijm bedwonghen
 
Dat hi niet en can ghegroyen
 
Alset ghenoecht der minnen soe gevoelt hi
 
Der edelre minnen waghe
30.[regelnummer]
Daer en wert geen loef ontspronghen
 
Hi en mach oec niet wel bloyen
 
Daer en si die sonne bi
 
Dat es gherechte minne
 
Die bloyen doet de sinne
35[regelnummer]
Verliest hi ochte winne
 
Dats hem altoes behaghe.
 
 
 
Die metter iongher ioecht
 
Ane minne doet beghin
 
Ende hare al es onderdaen
40.[regelnummer]
Ende ghevet al sine cracht
 
Ende dat oercondet metter doecht
 
Ende daertoe doet alden sin
 
Hi sal al vri ontfaen
 
Die ongehoerde macht
[pagina 25]
[p. 25]
45[regelnummer]
Dat sal hi wel volbringhen
 
Ende sal hem niet ontlinghen
 
Hi sal noch de minne dwinghen
 
Ende wesen al hare voeghet.
 
 
 
Waer vinde ic der minnen iet
50.[regelnummer]
Die mi ute mi doet dolen
 
Na miere herten ghenoeghen
 
Dat iet suete mine pine
 
Al volch ic hare si vliet
 
Al dole ic in hare scolen
55[regelnummer]
Si en wille mi in al voeghen
 
Het wert mi saen in scine
 
Ay ic spreke van herten noet
 
Mijn wederstoet die es te groet
 
Ende mi es derven der minne eene doet
60.[regelnummer]
Want ic en macher gebruken niet.
 
 
 
Sint ic al minnen soude
 
Wan gave si mi al minne
 
Doch na mijn cleine begheren
 
Dat ware mi ghenoech te clene
65[regelnummer]
Doch hebbic omme minnen houde
 
Verteert al mine sinne
 
Ic en weet wies mi gheneren
 
Si weet wel wat ic mene
 
Want ic hebbe soe dat mine verlevet,
70.[regelnummer]
Ic en hebbe el niet si en ghevet,
 
Ende al gave si iet hongher blevet
 
Want ict gheheel al woude.
[pagina 26]
[p. 26]
 
Ay hoe maghic dan ghedueren
 
Ende si die dit meer leven
75[regelnummer]
Dat ons de minne geet vore
 
Ende haer selven aldus onthout
 
Ay suetste alre creaturen
 
Dat ghi mi u niet en wilt volgheven
 
Soe vele alse mi uwes behore
80.[regelnummer]
Dat en maket mi niet soe stout
 
Maer ic claghe van uwen vrienden
 
Die u ie met trouwen dienden
 
Ende ye gherne haer wesen ontsienden
 
Omme suetheit uwer naturen.
 
 
85[regelnummer]
illustratie Nu syn si in swaren banden
 
Ende vremde in haers selfs lande
 
Daer dolen si in de hande
 
Der vreemder avonturen.
[tekstkritische noot]6. de minne. - 11. dies ontbleve.

[tekstkritische noot]41. orcondet.
[tekstkritische noot]49. vindic. - 50. die nu. - 59. der minnen een doet. -60. Want in. - 63. clene. - 67. weet mi wies. - 68. meene.
[tekstkritische noot]74. si diet meer. - 79. uwer. - 80. so stout. - 85. in hare zware. - 86. hars. - 87. die hande.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken