Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 31]
[p. 31]
Ga naar tekstkritische notentekstkritische noten

VIII

 
Altoes machmen van minnen singhen
 
Eest herfst eest winter eest lenten eest somer
 
Ende iegen haer ghewout verdinghen
 
Want en ontstect hare nieman vromer
5[regelnummer]
Mer wi traghe segghen dicke in comer
 
Souden si mi alsoe na bedwinghen
 
Ic mach mi metten genen minghen
 
Die rasten hebben gheploen
 
Ende bliven thuus waer mochtic
10.[regelnummer]
Gaen om mijn verdoen.
 
 
 
Die nedere metten armen sinnen
 
Die sijnt die den cost ontsien
 
Dat si hem scuwen vander minnen
 
Daer hem al goet af soude ghescien.
15[regelnummer]
Ochte si hem van den dienste ontien
 
Nemen dat sire ane winnen
 
Trouwe salse toenen ende arm doen kinnen
 
Vore der minnen rike al bloet
 
Dese sijnt die dat hare verdaden
20.[regelnummer]
Sonder der minnen noet.
[pagina 32]
[p. 32]
 
Die gherne woude doghen tsuete ellende
 
Die weghe ter hogher minnen lant
 
Hi vonde sijn lief sijn rike ten inde
 
Des ghevet die trouwe segel ende pant
25[regelnummer]
Nu es menech dorpre soe truwant
 
Hi nemt dat hem es naest ghehende
 
Ende blivet vore minne die onbekinde
 
Metter truancien cleet
 
Soe en hevet hi vorme noch ere
30.[regelnummer]
Daer minne dat haer bi versteet.
 
 
 
Scone ghelaet ende scone cleder
 
Ende scone redene cieren den man
 
Al doghen om minne ende niet te wreder
 
Dat es scone ghelaet die dat wel can
35[regelnummer]
Die werke sijn de cleder dan
 
Met nuwen niede ende niet te ghemeder
 
Ende den vreemden te alre noet ghereder
 
Dan ane sijns selfs bekinnen
 
Dat es varuwe die tekene cieren
40.[regelnummer]
Alre meest vore hogher minnen.
 
 
 
Vorwerdeghe woert ende grote ghichten
 
Buten huus ende scone cost daer binnen
 
Eren den man meest ende verlichten,
 
Hier bi machmenne best bekinnen
45[regelnummer]
Alsoe eest oec met hem die minnen
 
Eest dat si inder waerheit stichten
[pagina 33]
[p. 33]
 
Ende met scoenre cost daer binnen dichten
 
Alsoet minnen best betame
 
Ende gheven al minne om minne
50.[regelnummer]
Die ghichte es minnen best bequame.
 
 
 
Ic segghe van minnen ende rade
 
Ghecierden cost ende heersche daet
 
Dat trouwe soude ghelden dat minne verdade
 
Dats meneghen cleine toeverlaet
55[regelnummer]
Die inden bande van minnen staet
 
In onghebrukene ende in onghenade
 
Die minne loent altoes al comt si spade
 
Dats daertoe mine sage
 
Die hare volgen si liden
60.[regelnummer]
Meneghen nacht bi dage.
 
 
 
Wie soude van minnen altoes gheprisen
 
Die ghevet bi daghe soe meneghen nacht
 
Dien si soude cleden eren ende spisen
 
Dien doet si al ute siere macht
65[regelnummer]
Die gherne goude der minnen pacht
 
Souden si in allen rechte wisen
 
Ende met trouwen zeghele soe hoghe doen risen
 
Daer lief mochte lief hantieren
 
Ende in allen ghebrukene van minnen
70.[regelnummer]
Eren ende cieren.
 
 
 
Dat scoenste hanteren dat minnen dochte
 
Dat waer lief met lief soe doer mint
[pagina 34]
[p. 34]
 
Dat lief met minnen soe lief doer sochte
 
Dat hem el niet en ware bekint
75[regelnummer]
Dan ic bem die minne met minnen verwint
 
Mer hi waer meer verwonnen die minne vervochte
 
Ende dan in minnen te nieute werden mochte
 
Die cracht ghinghe als te voren
 
Die hoghe materie daer af
80.[regelnummer]
Wert minne van iersten gheboren.
 
 
 
Maer wi lichte cope metten lichten sinne
 
Ons dunken minnen vare swaer
 
Wi sijn nieloep met cleinen ghewinne
 
Dies darve wi minnen clare waer
85[regelnummer]
Ic weet alne weetict niet aldaer
 
Daer mens ghebruket in weelde van minnen
 
Maer verlichte redene doet al bekinnen
 
Hoe men minnen ghenoech volsteet
 
Daer nes redene te waer
90.[regelnummer]
Noch werc te swaer ende al nuwe ghereet.
 
 
 
illustratie Die vroech haer claer hebben openbaer
 
Ende saen hare blijscap kinnen
 
Ende glorieren daer binnen
 
Eest dat hem wel vergeet
95[regelnummer]
Soe hebbense godweet
 
Vele beteren coep der minnen
 
Dan icker noch weet.
[tekstkritische noot]2. erfst. - 4. onstect.

[tekstkritische noot]24. dies. - 27. minne onbekinde. - 31. cleeder. - 32. redenen. - 33. wreeder. - 41. wort. - 42. sconen.
[tekstkritische noot]47. sconer. - 55. banne. - 66. so hoge. - 72. were. - 73. niet en si wert bekint.
[tekstkritische noot]80. met lichten. - 91. hare claer oppenbaer. - 97. gnoech.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken