Werken. Deel 1: Gedichten

[p. 74]

tekstkritische noten

4. Na hare soudi. - 5. Nuwe. - 7. minnen mocht. - 10. alle. - 12. tsvader. - 16. minnere int ghewin.

XX.

Die tijt vernuwet ende te gheet
Die oude die lange hevet ghestaen
Die in minnen dienst ware gereet
Van hare soude hi loon ontfaen
Nuwen troost ende nuwe cracht
Dat hi hare minde met minne macht
Met minnen so worde hi minne saen.

Hets onghehort te werdene minne
Die minne wilt werden hine sal niet sparen
Hets wesen boven allen sinne
Hi sal met al in al dore varen
De minne woent soe diepe in svader scoot
Die dienst sal wesen harde groot
Daer minnen haer werc sal openbaren.

Der ontfarmecheit cost ende de scout der wet
Gheldet de mindere int beghin

[p. 75]

 

Na datti dese ghewout beset

 

Comt hi in over groot gewin

 

Hi werct al werc wel sonder scinen

20.

Hi doget al leet wel sonder pinen

 

Dits leven boven menschen sijn.

 

 

 

Die minne wilt werden hi werct groet werc

 

Want hi niet failiert in ghenen sinne

 

Hi es overwonnen ende even sterc

25

Daer hi duer minnen minne mach winnen

 

Eest in sieke eest in ghesonde

 

In blende in cropele ende in ghewonde

 

Dat sal hi over scout bekinnen.

 

 

 

Den vremden dienen den armen geven

30.

Den sereghen troesten alse hi mach,

 

Den vrienden gods met trouwen leven

 

In heligen in menschen nacht ende dach

 

Met alre macht boven tghereken

 

Dunket hem dat hem der cracht mach ghebreken

35

Verlaten hem vort op minnen sach.

 

 

 

In groter minnen toeverlaet

 

Vercrighet men al dies men behoeft

 

Si ghevet den ongheleerden raet

 

Si troest den ghenen die hem droeft

40.

Es sine sake in haer allene

 

Ende en wilti anderen troost enghene

 

Dats een teekin datti hare genoeget.

[p. 76]

 

Die allene wilt minnen pleghen

 

Met alder herten ende alden sinne

45

Hi hevet al met al beleghen

 

Dat hi haer selven al bekinne.

21. zin. - 22. werket. - 23. zinnen. - 24. onverwonnen. - 35. op der - 39 bedroeft. - 42. teeken.