Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 77]
[p. 77]
Ga naar tekstkritische notentekstkritische noten

XXI.

 
Alse ons de bloemen van den somere comen sijn
 
Daer na sijn wi der vrocht in waen
 
Alsoe doet die edele herte fijn
 
Die elken stoerm van minne wilt ghestaen
5[regelnummer]
Si sprect van fieren sinne
 
Ic gruete u minne al minne
 
Ende beens fier ende stout
 
Ic verwinne noch u ghewout
 
Of ic scieter mi al inne.
 
 
10.[regelnummer]
Hoe mochte der fiere herten yet messcien
 
Die al toe settet omme dat si minne vercrighen wilt
 
En mochte haer nemmer comen indien
 
Wouddi volgeven minne dat ghi volgeven selt
 
Alsoet sijn moet al te male
15[regelnummer]
Ay worden uwe berghen dale
[pagina 78]
[p. 78]
 
Ende wij dan mochten sien
 
Uwe toghen al voltien
 
Soe quaemt ons alwale
 
Hi moet oec trecken sere die minne sal voltien.
 
 
20.[regelnummer]
Hare wide wijt hare hoechste hoeghe hare diepste afgront
 
Hi sal in allen storme de weghen dore sien
 
Hem wert haers wonders wonder cont
 
Dats de weelde wide te gane
 
Te dorelopene ende met te stane
25[regelnummer]
Die hoechde dore vlieghen ende dore clemmen
 
Ende dien afgront dore swemmen
 
Der minne al minne te ontfane.
 
 
 
Ay dat hoghe minne die so soete scijnt
 
Dat hare soetheit al andere soetheit verteert
30.[regelnummer]
Soe wondet herte ende sinne dat hi van stoerme dien si gherijnt
 
Al nuwe ontmoete beghert
 
Dat hi en ontsiet ghene noede
 
Noch pine noch anxt noch dode
 
Hine hebbe ter minne spoet
35[regelnummer]
Ay diet werct god geve hem goet
 
Fiere herte en was nie bloede.
 
 
 
Ic late die minne al wesen datsi si
 
Ic en can hare welde wondere niet verstaen
 
Al eest dat ics ghenesen mach in mi
40.[regelnummer]
Si hevet meneghe grote gewelt gedaen
 
Dies moet hi hebben plaghe
[pagina 79]
[p. 79]
 
Diet hare met vreden verdraghe
 
Hine were met crachte hare cracht
 
Want die de minne nye en vervacht
45[regelnummer]
Hine leefde nye vrie daghe.
 
 
 
Ic gheve minnen der minnen oorlof
 
Nu ende altoos die wille volge haren hove
 
Mi es wel wee ghesciet ic weende gheweest sijn vrouwe int hof
 
Sint icse ierste coes ic leide altoe in love ic en caent ghevolghen niet
50.[regelnummer]
Nu scinen mi hare loene
 
Ghelijc den scorpione
 
Dat toent scone gelaet
 
Ende na so sere verslaet
 
Ay wat meine selke ghetone.
 
 
55[regelnummer]
Hadde ic gheluc ter minne dat mi ye vloe
 
Ende mine daghe was onghereet
 
Ic soude noch verwinnen ende leven vroe
 
Daer ic nu dole in ellende te wreet
 
Waert tijt ic naems gherne een inde
60.[regelnummer]
Ic dole met gheninde
 
Daer mi de minne doet
 
Hare volgen sonder spoet
 
Ende si blivet mi te onghehende.
 
 
 
God geve hem allen die minnen te rechte goet gheval
65[regelnummer]
Al hebbe ic ende menich man der minnen soe cleine deel
 
Diese al kinnen si gheven al om al
 
Si ghevet dien sijs an hare selven al gheheel
[pagina 80]
[p. 80]
 
Hare hadde ye die mochte
 
Wat holpet dat men dat dochte
70.[regelnummer]
Dat emmer wesen moet
 
Hare slaghe sijn alle goet
 
Mer die weder sloeghe hi vochte.
 
 
 
Hets onghehoort nu die over minnen yet claghen
 
Hare name es so ghement dat men hare al verdreghet
75[regelnummer]
Die si nu stoert ic rade dat sijs nu niet en ghewagen
 
Het es hen onbekent dien si soe niet en verweghet
 
Maer die fier es ende coene
 
Sie selve te sinen doene
 
Ende were met slaghe den slach
80.[regelnummer]
So siet hi noch den dach
 
De minne bringhet hem selve de soene.
 
 
 
illustratie Die minne nemt te verdoene
 
Si gevet hem volle pardoene
 
Ende maectene haers al vri
85[regelnummer]
So moghen wij segghen wel ay mi
 
Hoe teme wij yet te gheroene.
[tekstkritische noot]9. Oft. - 10. fierer. - 14. alsoet zijn. - 15. berghe.

[tekstkritische noot]21. de weghe doerzien. - 22 hars wonder. - 24. ende te doer stane. - 28. soe zuete. - 32. node. - 34. minnen. - 36. blode. - 40. groet.
[tekstkritische noot]48. waende. - 49. iersten. - 54. meinen. - 55. minnen.
[tekstkritische noot]73. minne. - 78. selve. - 81. selven. - 84. hars. - 85. wel seggen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken