Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 137]
[p. 137]
Ga naar tekstkritische notentekstkritische noten

XXXVI.

 
Hoe dat iaer hevet sinen tijt
 
Die minnare sijt
 
Houdet soe uwen vlijt
 
Dat u sake ne si te inghe noch te wijt
5[regelnummer]
Maer al ghemate
 
Wat minne met u doe ochte late
 
Wedert si scade soe bate
 
Want dat sijn ghelate
 
Daer minne omme benedijt
10.[regelnummer]
Uwe zate
 
In de minne.
 
 
 
Dien minne ye ure benedide
 
Si als te tide
 
Droeve ende blide
15[regelnummer]
Ende emmer ane der minnen side
 
Ende hi sij altoos ghereet
 
Daer hi der minnen wille weet
[pagina 138]
[p. 138]
 
In lichte in wreet
 
In lief in leet
20.[regelnummer]
Dat welde wide
 
Hi ommeveet
 
In die minne.
 
 
 
Die de wijdde van minnen wilt ommevaen
 
Hi sal minne verstaen
25[regelnummer]
Hare comen hare gaen
 
Hoe minne minne met minne sal ontfaen
 
Met altemale
 
Sone hevet die minne vore hem ghene hale
 
Sine toene hare wijdde haere hoechste zale
30.[regelnummer]
Die hevet voldaen
 
Wet alle wale
 
Met sier quale
 
In de minne.
 
 
 
Dien minne sine quale sal ghenesen
35[regelnummer]
Sal minnen wesen
 
Na hare ghetesen
 
Met toeverlate boven al verresen
 
Na minne fine
 
Hi doget al leet wel sonder pine
 
Omme hoegher minne ghenoech te sine
40.[regelnummer]
Hi doet in scine
 
Dat hi sal lesen
 
Al die vonnessen fine
 
In de minne.
[pagina 139]
[p. 139]
 
Vonnesse van minne
45[regelnummer]
Gheet diepe binnen
 
Met inneghen sinne
 
Die en mach gheen neder herte ghewinnen
 
Die vore minnen yet spaert
 
Maer die fierlike dore vaert
50.[regelnummer]
Al der minnen aerd
 
Daer minne met minnen minne ane staert
 
Omme sijn verwinnen
 
Blijft hi verclaert
 
In die minne.
 
 
55[regelnummer]
Ay creature
 
Ende edele figure
 
Doeget avonture
 
Ane ziet uwe recht ende uwe nature
 
Die emmer minnen moet
60.[regelnummer]
Ende mint der minnen beste goet
 
Omme hare te ghebruke doet scoen ghemoet
 
Soe hebdi spoet
 
En spaerd ghene ure
 
Eer ghi voldoet
65[regelnummer]
In die minne.
 
 
 
Die minnen raet
 
Na minne verstaet
 
Ende bi minnen ane vaet
 
Omme minne meneghe rike daet
[pagina 140]
[p. 140]
70.[regelnummer]
Al sonder keer
 
Men sijn dan minne es hen groet seer
 
Dies toent hen minne hare rike gheleer
 
Nuwe emmermeer
 
Sonder verlaet
75[regelnummer]
Blivet hi gheheer
 
In die minne.
 
 
 
Maer die van minne raet ontseget
 
Daer trouwe in leget
 
Ende dien pine verweghet
80.[regelnummer]
Ic gelove dat u noch treghet
 
Ende om niet
 
Want ghi niene daedt dat minne riet
 
Ende minne met minne u minnen onthiet
 
Ende ghij dat vliet
85[regelnummer]
So blivet ontweghet
 
Des die minne versiet
 
In de minne.
 
 
 
Dien minnen versiet met wat dat si
 
Leve alsoe vri
90.[regelnummer]
Altoes daer bi
 
Alse ic al minnen ende minne al mi
 
Fier ende stout
 
Maent hi al minnen minne voer scout
 
Dies ghevet si rijcheit menechfout
95[regelnummer]
Si es heme alles hout
 
Allene hi
 
Hevet volle ghewout
 
In de minne.
[pagina 141]
[p. 141]
 
Die minnen es bi haer selven goet
100.[regelnummer]
Wat si hem doet
 
Si maectene vroet
 
Hoe minne maect minnen hoeghen moet
 
Doet hi hem weten
 
Soe dat hijs meer en mach vergheten
105[regelnummer]
Soe heeftene minne met minnen beseten
 
Wats hem geweten
 
Bider minnen woet
 
Wert hi al gheten
 
In de minne.
 
 
 
Ay waer es minnen dan
110.[regelnummer]
Alse mense ne can
 
Vinden selc man
 
Die toe set al dat hi ye ghewan
 
Ende nochtan minnen niet en vent
 
Dattene de minnen in wee so went
115[regelnummer]
Ende hem minne minne sent
 
Ende dat hire niet ne kent
 
Maer dien sijs wel an
 
Hi hevet saen ghehent
 
In die minne.
 
 
120.[regelnummer]
Minne es aldaer
 
Ghinder in weet waer
 
Vri sonder vaer
 
Dat mi minnen niet en es oppenbaer
[pagina 142]
[p. 142]
 
Dat doet mi anghe
125[regelnummer]
Ende noch meer hem wee die vaste anghen
 
Ane minne in overswaren bedwanghe
 
Maer dat en duerde niet langhe
 
Ghave minne al claer
 
Hare ommevanghen
130.[regelnummer]
In de minne.
 
 
 
Nu moete god de ghene beraden
 
Die gherne voldaden
 
Na der minnen gaden
 
Ende die diepe woestine willen dorwaden
135[regelnummer]
Nader minnen lant
 
Daert dicken ten sorghen hem es bewant
 
Ende alles der minnen gaen in hant
 
In sware bant
 
Dus houtse minnen verladen
140.[regelnummer]
In staden brant
 
In die minne.
 
 
 
illustratie Dats minnen pant
 
Daer minnen met minnen trouwe in vant
 
Ende alle pine omme minne verslant
145[regelnummer]
Suete ende onghehant
 
Die volle zaden
 
Werden hem becant
 
In die minne.
[tekstkritische noot]2. minnaren. - 4. uwe zake. - 12. minne ure. - 13. si alse.

[tekstkritische noot]29. wide. - 31. siere. - 38. leet sonder. - 39. minnen. - 42. de vonnessen sine.
[tekstkritische noot]44. minnen. - 52. Om. - 58. Ziet ane. - 61. gebrukene doet scone om moet. - 63. spart.
[tekstkritische noot]73. nuwen. - 77. minnen. - 83. minne onthiet. - 93. al minne.
[tekstkritische noot]101. maecten. - 105. heeften. - 109. minne. - 114. minne. - 116. en kent. - 121. en weet. - 123. minne.
[tekstkritische noot]125. hange. - 129. ommevange. - 136. dicke. - 139. minne.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken