Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 149]
[p. 149]
Ga naar tekstkritische notentekstkritische noten

XXXIX.

 
Al meest sijn alle creaturen
 
Bedwongen van den winter cout
 
Vele meer die mint es bi naturen
 
Bedwonghen in minnen ghewout
5[regelnummer]
Die van sinne ware fier ende stout
 
Ende al woude avonturen
 
Dat suete metten zueren
 
Maende minne vore scout
 
Hi soude minnen al met minnen berueren
 
 
10.[regelnummer]
Wie mach der minnen rueren prisen
 
Diet wel versteet hi gevet haer prijs
 
Den selken gevet si al aes van sisen
 
Selcken maecse van aes al sijs
 
Si maect den ongheleerden wijs
15[regelnummer]
Ende si ontwijst den wisen
 
Si doet den nederen risen
 
Alse dit es mijn zuete amijs
 
Ende voetene met haerre spisen.
[pagina 150]
[p. 150]
 
Der minnen zeden en can bekinnen
20.[regelnummer]
En gheen man die nie was soe vroet
 
Si wondet den ghenen dat herte binnen
 
Die nie na minnen bant en stoet
 
Die gherne bi minnen levede behoet
 
Dien bringet si al uten sinnen
25[regelnummer]
Ende die gherne al minnen
 
Gebrukede hout si sonder spoet
 
Soe dat hise waer en weet ontghinnen.
 
 
 
Dien dusdane minnen seden genoegen
 
Hi griper ane ende wachte hem wel
30.[regelnummer]
Dat hem al heffene wale voeghe
 
Wat minne hem scijnt soe traghe soe snel
 
Het waent selc minnen doer sijn spel
 
Si es hem soe onghevoeghe
 
Met wat wee sine sloeghe
35[regelnummer]
Hine conste nochtan ghedoen niet el
 
Dan dies hem minne ghewoeghe.
 
 
 
Omiere ende sware avonture
 
Hebbic ghedoghet meneghen dach
 
Mi sijn alle die zaken suere
40.[regelnummer]
Die ic ye met oghen zach
 
Hoe mochtics hebben goet verdrach
 
Mi houdet wale wee in suere
 
Die minnen suetse boven alle nature
 
Ende die al gheven mach
45[regelnummer]
Mi gruwelt hoe ic ghedure.
[pagina 151]
[p. 151]
 
Ic sal die minnen laten wesen
 
Van minen thalven wat si wilt
 
Selc waent sine vonnesse in haer lesen
 
Si hevet zaen sijn gheruchte verstilt
50.[regelnummer]
Ende saen al sijn ghelof onthilt
 
Daer hi bi was verresen
 
Si can na hare ghetesen
 
Wel scermen onder den scilt
 
Al en maghes nieman ghenesen.
 
 
55[regelnummer]
Hoe ic/minnen el hebbe gevaren
 
God geve hem goet die minnen plien
 
Ende die in haren lichten ende in haren swaren
 
Wel connen volgen ende vlien
 
Die beiden mach na goet ghescien
60.[regelnummer]
Ende minne nu wel can sparen
 
Si sal hem openbaren
 
Die beiden mach tote dien
 
Dat minne al sal verclaren.
 
 
 
Ic weet wel hads die minne stade
65[regelnummer]
Si troeste minen droeven moet
 
Ende docht hare van mi yet scade
 
Dat si mi dus verderven doet
 
Met groten wee al sonder spoet
 
Houdet si mi buten rade
70.[regelnummer]
Sine doe mi zaen ghenade
 
Ende make mi haers bat vroet
 
Si comt mi lichte te spade.
[pagina 152]
[p. 152]
 
Hoe nauwe ic dole in minnen pade
 
Ende mi hare conde es al te lanc
75[regelnummer]
Hoe diepe ic wade in hare ghewade
 
Ic wille hare alles weten danc
 
Want mi es mijn al ane hare belanc
 
Salic vol clemmen hare grade
 
Want wat soe ic elder dade
80.[regelnummer]
Mijn hongher bleve al zwanc
 
Sine gave mi vol hare zade.
 
 
 
Dus blive ic ane der minne side
 
Wat so mi ghesciet der na
 
Haers hongers rouwe haerre saedde blide
85[regelnummer]
Begherten neen-ghenoechten ia
 
Die fiere gheven slaghen eer minnen sla
 
Soe comt hi scone ten stride
 
Die de minne besteet met nide
 
Hoe welt dat hem verga
90.[regelnummer]
Hi sal bevaen hare wide.
 
 
 
illustratie Ic rade den fieren die de minnen besta
 
In sinen ionghen tide
 
Dat hier niet en mide
 
Hine sie dat hise volva
95[regelnummer]
Eer si vore hem lide.
[tekstkritische noot]2. wintere. - 9. minne met minnen al berueren. - 13. maect se van aes al tsijs. - 15. wijsen. - 18. vuetene.

[tekstkritische noot]28. minne zeden. - 32. sulc. - 37. Omire. - 42. int suere. - 45. gruwelt dat ic.
[tekstkritische noot]46. minne. - 47. minentalven dat si. - 48. Sulc. - 49. verstelt. - 55. Hoe ic in minnen.
[tekstkritische noot]76. haer. - 82. blivic ane der minnen zide. - 84. haerre zade. - 87. te stride. - 91. minne. - 94. hine siet.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken