Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 186]
[p. 186]
Ga naar tekstkritische notentekstkritische noten

II.

 
Viere meisteren seiden een coninc
 
Welc ware de starcste dinc
 
Die in de werelt mochte sijn
 
Doe seide elc den wille mijn
 
Al en was ic doe niet daer
 
Ende elc seide na sijn herte waer
 
De een seide dat die wijn
 
Met rechte starcste soude sijn
 
Dies hi purgeert ende den droeven verhoget
10.[regelnummer]
Ende menege andere dgoet
 
Die hi werct in meneghe dinc
 
Die ander seide een coninc
 
Omme sijn menechfoude bedwanc
 
Ic mocht u maken al te lanc
 
Die derde seide des wives werke
 
Verwinnen alrehande starcke
[pagina 187]
[p. 187]
 
De vierde seide de waerheit
 
Ware starest alre starcheit
 
Dit sijn viere grote crachte
20.[regelnummer]
Diese verstonde ende wel bedachte.
 
 
 
Die wijn es rouwe om nederheit
 
Ende penitencie ende arbeit
 
Ja rouwe omme dat men der groter minnen
 
Te lettel es in allen sinnen
 
Altoos in hopen ende in vresen te sine
 
In dronkenscepe van desen wine
 
Die meester die dese cracht priset
 
Dats om dat si grote werke bewiset.
 
 
 
Die andere starke es de coninc
30.[regelnummer]
Die versmadet alle dinc
 
Sonder datter rechter minnen hort
 
Ende en wilt el geen confort
 
Dit sijn de gheestelike arme
 
Daer ic van herten omme caerme
 
Dat ict nye ghesijn en conste
 
Want mi de minne nie en onste
 
Die arme van gheeste es een coninc
 
Die verwinnet lichte alle dinc
 
Hebben willen ende begheren
40.[regelnummer]
Ere raste ghebruken teren
 
Dus ghedane arme en willen niet
 
Dan alleen dat de minne ghebiet
 
Dus hes hi aerm want hi niet en hevet
 
Daer sine begherte yet aen clevet
[pagina 188]
[p. 188]
 
Hi es coninc want hi bedwinghet
 
Al dat hem minne niet en bringhet.
 
 
 
Die derde eest wijf die staercst es
 
De derde meester vermat hem des
 
Om dat si den coninc ende alle man
50.[regelnummer]
Verwinnen mach ende wale can
 
Dit wijf es oetmoedicheit
 
Die hare so houdet in nederheit
 
Dat si haer selven niet en verhoget
 
Al mochte si werken al de doget
 
Die alle menschen moghen die leven
 
Hen soude hare ghene raste geven
 
Ghene zake en geraect haren gront
 
Ghewarege oetmoedecheit en verslont
 
Al dat minne gheleisten mochte
60.[regelnummer]
Dat hare niet genoech en dochte
 
Dits de starcste wel met rechte
 
Si maect van heerscepe cnechte
 
Die alre fierst was in den hemel
 
Dien maecte die diepe gront so temel
 
Dat hi ute siere hoecheit viel
 
In dien grondelosen wiel
 
Want hare oetmoet was so groet
 
Dat si den coninc te hare geboot
 
Si was starcst dat sceen haer wale
70.[regelnummer]
Die noch woude wonen in den dale
 
Van oetmoede hi soude verwinnen
 
Alle de crachte der groter minnen
[pagina 189]
[p. 189]
 
Versmaetheit begherdi al te cleine
 
Dat let u hier an meest alleine.
 
 
 
Die vierde es waerheit si verwint al
 
Dat was ende es ende wesen sal
 
Hare gewout es minnen leven
 
Haere oeffeninghe endè haer gheven
 
Beneemt der vierre crachte daet
80.[regelnummer]
Ende doet al leven na haren raet
 
Si beneemt de crachte van den wine
 
Ende sconincs de starc pleget te sine
 
Ende swijfs die starc es meer
 
Ende der waerheit doetse selve keer
 
Daer men volcomeleke mint
 
Ende metten crachten wel bekint.
 
Daer mint men eweleke als men soude
 
Ende ic gerne, minde ende hebben woude
 
Die mint en ontsiet noch en bekint
90.[regelnummer]
Weder hem minne haet ochte mint
 
Die mint hi en ghemest niet
 
Waer hem vrome scade ghesciet
 
Ghere onderschedecheit en pleget minnen
 
Si es vri in allen sinne
 
Si es so overvloedech in haren ambachte
 
Si en can der waerheit niet geachten
 
Si es so edel ende so coene
 
Beide in latene ende in doene
 
Si en aensiet scade noch vrome
100.[regelnummer]
Op dat si in haer selven come.
[tekstkritische noot]2. Welc dat were. - 7. die wijn.

[tekstkritische noot]29. die coninc. - 34. carme. - 43. arm.
[tekstkritische noot]70. noch woende.
[tekstkritische noot]79. benemt der vierdere.- 91. hine gemest. -92. vrome of scade.- 94. zinnen. - 96. gehachten.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken