Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 190]
[p. 190]
Ga naar tekstkritische notentekstkritische noten

III.

 
God si hen allen god diene minne
 
Ende hem allene maer werdech kinnen
 
Ende dies beginnen met worden met werken
 
Ende metter wet der heileger kerke
 
Ende vordane dolen in minnen raet
 
Na demster onthopen hoege toeverlaet
 
Ay hoe ongehoort sijn minnen wegen
 
Eer minnen met minnen ghewint seghe
 
Die zeghe in minnen wilt gewinnen
10.[regelnummer]
Hi moet hem cieren in allen sinnen
 
Ende na minnen getamen sijns al vertien
 
Ende met hare doemen ende benedien
 
Hem selven ende dat hi haet ende mint
 
Dat hi minnen so sijn recht bekint
15[regelnummer]
Dat hi niet en wilt ende minne en hevet
 
Hem niet te ontsegghene sine gevet
[pagina 191]
[p. 191]
 
Want die mint hem es al vremde raste
 
Ende pine ende overlaste
 
Begherte doregraeftene als een wiel
20.[regelnummer]
So moet minne dat vervullen gheheel
 
Ay hoe moeti hem vertien al
 
Die hem gheheel der minnen gheven sal
 
Ende hoe ghestede sijnse in ellendegher pinen
 
Dat doen hare werde hare werken seinen
25[regelnummer]
Dat toende de moeder wel der minnen
 
Ane hare mochte ment ierst kinnen
 
Al was te voren om minnen ghedaen
 
Bi hare mochte ment al verstaen
 
Si ne ontsach wet noch van magen
30.[regelnummer]
Gewoente miede drieghen prijs noch clagen
 
Si liet al om hare eneghe lief
 
Hen waest dan recht datse minne verhief
 
Doe makese minne der minnen moede
 
Waer omme verget des yeman vroeder
35[regelnummer]
Van hare te sprekene es mi te groet
 
Want ic nye en dede dat minne gheboot
 
Ende si dede der minnen hoochste raet
 
Ende dore doelde hare toeverlaet
 
Tote dat si up clam int hoge lant
40.[regelnummer]
Daer si minnen in gebrukene volvant
 
Daer doet mi nederheit van haer swighen
 
Ende hare hoocheit nighen
 
Al droech hare boem vele vrochte
 
Daer men oec af spreken mochte
45[regelnummer]
Heren vrouwen ende joncfrouwen
[pagina 192]
[p. 192]
 
Die dore minnen der hoochster trouwen
 
Onderdanech waren toter doot
 
In al dat hen de minne gheboot
 
Van al den anderen latic bliven
50.[regelnummer]
Van ere willic een deel bescriven
 
Daer men van ghestedegher minne
 
Grote tekene ane mach kinnen
 
Ende groot exempel mach nemen af
 
Hoe enech si hare der minnen gaf
 
Dat was maria magdalene
 
Die een met minne was ghemene
 
Ja origenes seget van marien
 
Die minne van gestedeger minnen mach lien
 
Die dore leiden marien leven
60.[regelnummer]
Ende hen gheheel in minnen geven
 
Ende diene mogen wisen in behagene
 
Ende segghen dit seide hi mi ic sachene
 
Si selen leven herde ellendech
 
Ende op hare materie behendech
 
Die si ontmoeten in pinen in raste
 
In verlichtene in coste in laste
 
Op dat si der minnen genoegen moghen
 
Hi souden hen eens ende alles beloven
 
Die in allen hen dus der minnen ghevet
70.[regelnummer]
Dat minnen te hem niet te seggene en hevet
 
Die toent hem god in enen vliene
 
In scone ghelate van goet gesciene
 
Ende sprect hem toe verhoelne worden
[pagina 193]
[p. 193]
 
Die hi bekint ende die nie en becorde
 
Vremde herte die haer voer minnen iet spaert
 
Ende in alle uren in minne niet en staert
 
Want die fier ende gewarech der minnen sijn
 
Si lesen hare vonnesse in minnen aenscijn
 
Ende sijn altoos in minnen wakende
80.[regelnummer]
Hen es menech wonder nakende
 
Ja wonder vore ons de minnen niet en kinnen
 
Maer gerechticheit vore hem die al geven der minnen
 
Want dat scoenste leven dat ic weet
 
Al wetict mi wel ongbreet
 
Dat ware dat men gode liete gewerden
 
In nemene in ghevene in storme in verden
 
Waert in minnen waert in haten
 
Dat soude al effene sijn te maten
 
Woude god comen woude hi gaen
90.[regelnummer]
Dat soude men al in minnen verstaen
 
Ende nemenne alsoe hi selve es minne
 
Ende en oeffene ghene affectie daer'inne
 
Want god es best met gode te ontfane
 
Ende te behoudene ende naest te verstane
 
Die hem met hem selven te gode doet
 
Ic wane hem god ontbliven moet
 
Want nieman hem genoech gedoen en can
 
Die draget de ymage van den erdschen man
 
Gevoele wi yet wi werden gerenen
100.[regelnummer]
Ende verliesen redene ende willenre op lenen
 
Ende wanen een sijn met dat wi minnen
 
Dus breke wi tspel eer wijt gewinnen
[pagina 194]
[p. 194]
 
Die ane dreget den erdschen man
 
Besie de scout der redenen an
 
Die sine regele es ende die hem leert
 
Die werke die men ter minnen keert
 
Ende hoe men minnen mach behouden
 
Ende waer met minnen hevet minnen vergouden
 
Alse men dus gode hanteert met minnen
110.[regelnummer]
Ende met minnen sijns genouch mach kinnen
 
Dats hem de mensche niet en onderwent
 
Alsene god dus ene minnen vent
 
Soe es sine ziele verswolgen in enen wille
 
Dies overste gerochts in die diepe stille
 
Job seide hi hadde tferhoelne ontfaen
 
Oec hevet sint elc also gedaen
 
Te rechte eest hem verholen die nemen
 
Gerne vremde troeste ende dat getemen
 
Die gode hen selven willen gemicken
120.[regelnummer]
Ende genoechten soeken in allen stucken
 
Ende laten hare regele ledech bliven
 
Ende soeken sonder werc gerinen
 
Dien en selen gode sien noch van hem verstaen
 
Alsoe minne ende job hebben gedaen
 
Ende si doen die alles omme gode vertien
 
Ende met hem al doemen ende benedien
 
Ane wien dat gheet gods werc es hen
 
Boven alle genoechte in haren sen
 
Den minnende dunct al ongedaen
130.[regelnummer]
Wat hi dore minnen mach bestaen
 
Ic moete der minnen onmate seden
[pagina 195]
[p. 195]
 
Verzwighen bi mier nederheiden
 
Tote dat icker bekinne mee
 
Dien minne gevet ongenadech wee
15[regelnummer]
Dat sal sijn dat alre naeste wesen
 
Maer salne minnen meer genesen
 
Legghe hare den breidel op den hals
 
Ende si hare onderdanech als
 
Dore dole de wege in minnen raet
140.[regelnummer]
Dat sij sijn rijcste toeverlaet
 
Ende blive in haren eneghen moet
 
Ende segge ay edele minne mi doet
 
In allen uwen hoghen wille met mi
 
Eest doot eest leven u scout al si.
[tekstkritische noot]1. dien minnen. - 2. allene minnen werdech. - 4. kerken.- 7. wege.

[tekstkritische noot]21. Hay. - 23. gestede sise. - 33. moeder. - 34. yemen. - 45. jonfrouwen.
[tekstkritische noot]50. eere. - 51. minne. - 53. grote. - 56. minnen. - 61. dien. - 68. souden eens. - 70. minne niet te hem. - 72. sconen; te gesciene.
[tekstkritische noot]78. vonnessen. - 86. nemen. - 89. ghaen. - 93. - tontfane. - 97. niemen. - 98. erdscen man. - 99. Ghevoelen wij iet. - 102. breken wij.
[tekstkritische noot]112. minne. - 120. in alle stucken. - 124. hevet gedaen.
[tekstkritische noot]136. minne. - 137. opten hals.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken