Werken. Deel 2: Proza

[II]

Het was op enen cinxendach dat ic den heilighen geest⁺alsoe ontfinc, dat ic verstont alle den wille der minnen in allen ende al die seden vanden wille der hemele ende der hemelscher ende al die volcomenheit der volmaecter gherechtecheit ende alle ghebreke der verlorenre ende alle dier willen die ic sach, in welken si waren van waerheiden ende van loghenen, ende ye sider ghevoeldic aldus⁽²⁾ der minnen van allen dien die⁽³⁾ ic sach in alsoe⁺velen alse si waren. Ende doe verstondic oec alle⁺die⁽⁴⁾ redenen diemen sprect in lxxij. manieren. Die menechfoldecheit van al desen wesenen es mi sere⁽⁵⁾⁺onscuult ende verstilt. Mer dat staren enechleke in heme, ende die berrentheit der minnen ende die⁽⁶⁾ waerheit sijns selves⁽⁷⁾ willen, diene blessceden⁽⁸⁾ noch en sweghen noch en laghen nye sider in mi. Te voren vore dien tijt woudic altoes weten; in al minen doene peinsdic ende seidic⁽⁹⁾ emmer: wat es minne ende wie es minne. in dit te pleghene haddic ij. jaer gheweest.

+ ij cap^m

(2) aldus] C al.

(3) minnen van allen dien die] C minnender die.

+ 46a)

+ habuit cognitionem

(4) oec alle die] C alle.

(5) sere] ontbreekt in C.

+ donum lingue

(6) die] ontbreekt in C.

(7) selves] ontbreekt in A en C.

(8) blessceden] C bleschen.

(9) seidic] C seide.