Den lust-hof der Christelycke leeringhe

[fol. ***2v]

Ad pastoritios lusus Reverendi viri D. qvondam Iacobi, nunc verò paterna benedictione obtenta Benedicti van Haeften, in Affligenio praepositi dignissimi.

PAsce Iacobe meum, dicebat Laban, ouile:

Et dixit Christvs; Pasce Iacobe meum.

Pascit oues, pascit distentas lacte capellas,

Et potum pastas prouidus Argus agit.

Atque greges inter raptus super aethera mente,

Ipsius ad numeros fistula dulce canit.

Nec te poeniteat pecoris diuine poëta,

Perfice, pasce tuas instar Iäcob oues.

Dulce penu vestro sitibundus lac bibat agnus,

Et saliat sacris cantibus inter agros.

Sicq́ue subalterno succedant pascua ludo,

Ludat & ambiguo mens generosa iugo.

Eidem.

OMne tulit punctum, qui miscuit vtile dulci,

Omne feret miscens cum pietate melos?

Omne feret, fers omne Haeften volupi vtile miscens.

Utile te legere est; volvere te volupe est.

Lectus sacra doces, instillas mellea lectus;

Lac, cum melle tuo fonte juuenta bibet.

Omne tuum punctum est: tua erunt at praemia quanta?

Omnis fonte boni est sancta leuanda sitis.

Nominis omen erit merces; quod nomine nunc es,

Hoc super, & subter sidera semper eris.

Ita optat quot animis, tot votis Congregatio

Canonicorvm Praemonstratensivm iuxta Niniuen.