Den lust-hof der Christelycke leeringhe

[p. 96]

[p. 97]

Angelica salutatio, modulis paraphrasticè expressa.

Ad numeros:
In wat wilder ghesticht.

AVe sanctissima
Virgo Mater Maria,
O praestantissima
Regina, caeli via,

Aue purissima,

Aue castissima,

Aue ros,

Aue flos,

Te rogamus audi nos,

Et salua miseros.

Maria Domina,
Maris Maria stella,
Per tua nomina
Pro nobis interpella:

Virtutum speculum,

Duc nos per saeculum:

Lucida,

Fulgida,

Nocte Pharus horridâ,

Mentes illumina.

Tu plena gratiae,
O grata Christi parens,
Decora facie,
O Rosa spina carens,

Orbis miraculum,

Sponsi coenaculum,

Optima,

Maxima

Caeli, terrae Domina,

Pro nobis obsecra.

[p. 98]

 

Est tibi cominus,

 

O templum Deitatis,

 

Caelorum Dominus:

 

Conclaue Trinitatis,

 

Tu sponsi lectulus,

 

Thronus & hortulus;

 

Propera,

 

Opera

 

Tua nobis impetra

 

Christi consortia.

 

 

 

In Mulieribus

 

Es virgo Benedicta,

 

⁺Cincta sideribus

 

Sole circumamicta:

 

Te laudant Cherubim,

 

Te canunt Seraphim,

 

Martyrum,

 

Virginum,

 

Et sanctorum omnium

 

Maria gaudium.

 

 

 

Fructus ventris tui

 

Est Iesvs Benedictus;

 

Quo quaesumus frui

 

Post varios conflictus,

 

Decus humilium

 

Feras auxilium:

 

⁺Lilium

 

Vallium,

 

Nobis post exilium

 

Ostende filium.

 

 

 

O felicissima

 

Maria mater Dei,

 

Ora piissima

 

Mater ô sanctae spei,

 

⁺Pro peccatoribus

 

Deprecatoribus;

+ Apoc. 12. 1.

+ Cant. 2. 1.

+ Eccli. 24. 24.

[p. 99]

 

Hodie

 

Veniae

 

Dona nobis tribue,

 

O fons clementiae.

 

 

 

De nobis cogita,

 

Pro nobis Mater ora,

 

Pro nobis rogita

 

Nunc, & in mortis hora:

 

Mores nunc corrige,

 

Manum tunc porrige,

 

Erige,

 

Dirige,

 

Nos ab hoste protege,

 

En sinu suscipe.

 

 

 

O sis propitia

 

Caelestis Imperatrix,

 

Repelle vitia

 

Donorum impetratrix:

 

Te semper quaerimus,

 

Te mente gerimus,

 

Cordibus

 

Vocibus

 

Te Mariam colimus,

 

Te benedicimus. Amen.