Den lust-hof der Christelycke leeringhe
(1622)–Benedictus van Haeften–
Auteursrechtvrij | |
[pagina 111]
| |
 | |
Lof-sangh ter eeren van 't Roose-kransken der H. Maghet, ende Moeder Godts Maria.Op de wijse:
| |
[pagina 112]
| |
Lieffelijcke Roos-plantsoen,
Ghy staet groen,
En draeght sneeu-witte roosen:
Op elck blaeyken seer bequaem
Staet den naem
Maria Godts verkosen.
Ghy zijt eenen Rooselaer,
Licht en klaer;
V roosen zijn ghepresen,
Vijftighmael den VVeest ghegroet,
Honigh-soet,
Aendachtelijck ghelesen.
Dit's het kransken dat behaeght
Die reyn' Maeght,
Daermen als vijf robijnen,
Tusschen beyden gheschakiert
Siet verciert
Den Pater noster schijnen.
Souterken, u stemme vreest
Ga naar margenoot+Seer dien gheest,
Die Saül quam bespringhen;
Als hy hoort met soete tael,
Menighmael,
Aue Maria singhen.
Kostelijckste ketenken,
Dat ick ken',
Noyt beter was te vinden:
Want met u soo kanmen wel
Ga naar margenoot+Inde hel'
Den boosen vyandt binden.
Kransken, als ick sonderlingh,
Voor een ringh,
V draegh' aen mijne vingher;
Ga naar margenoot+Teghens het hooveerdigh vat
Goliath,
Zijt ghy my Davids slingher.
| |
[pagina 113]
| |
Ghy zijt mijnen minnen-brief,
Aen mijn lief
Maria net gheschreven:
Vlieght ten hemel dan ghereet,
Brenght bescheet
Van haer, die my doet leven.
Ghy behelpt my waer ick gae,
Waer ick stae:
Sal ick gaen yvers reysen;
Met u kort' ick wegh, en tijdt,
Die'k verslijt
Met lesen, en bepeysen.
Als ick in mijn kamerken
Met u ben,
Te kercken in een hoecksken;
Ghy dient my daer altemet
In't ghebedt
Voor een Godtvruchtigh boecxken.
Over al ick me voer'
Aen mijn snoer,
Ley-draet, die my kondt leyden
Tot Mariae milde schoot:
Inde doodt
Doet haer van my niet scheyden.
Laet, Maria, 'tKransken fijn
Den bandt zijn,
Die my met u bindt t'samen:
Maeckt dat ick, die u nu dien',
V mach sien
In't eeuwigh leven. Amen.
|
|