Den lust-hof der Christelycke leeringhe

[p. 312]

[p. 313]

Magno Monachorvm omnivm in occidente Patriarchae, S.^mo Patri nostro Benedicto.

PRaepeti penna caelorum
Pere sedes, & Sanctorum,
Musa rudis, Angelorum

Choris te coniungito,

Benedictvm canito.

Benedictum sidus rarum,
Caeli decus & terrarum,
Caeli nullus incolarum

Hunc laudare respuit,

Caelum quo resplenduit.

Ciuium nam Supernorum,
Tot sanctorum Monachorum
Millibus adauxit chorum,

Wt eorum numerus

Paenè sit innumerus.

Vos ô tanti Patris nati,
Mores eius aemulati,
Nostrae vos infirmitati

Collaudantes iungite,

Patri benedicite.

Patrem nati celebremus,
Benedictum personemus,
Cui prae Roma dulce nemus

Qui despectis opibus,

Annos vicit moribus.

Meditanti res diuinas
Formas daemon foemininas
Objicit; at inter spinas

Se volutans lilium

Repperit auxilium.

Sed lux nequit diu latere:
Signa Sanctum prodidêre,
Dum futura praeuidere

Nouit, & absentia

Cernit vt praesentia.

Fracta prece restaurauit,
Rupe lymphas euocauit,
Morbos varios curauit,

Et veneni baiulam

Cruce fregit phialam.

Linquit aquas falx profundas,
Iussu Patris super vndas
Currit Maurus, ad secundas

Auras vocat funera,

Caelo capit munera.

Vincla soluit per aspectum:
Orbem radio collectum
Vidit vno: vas proiectum

Vitreum non laeditur,

Liquor nec egreditur.

[p. 314]

 

At quis posset enatare

 

Capax hoc virtutum mare?

 

Magne Pater, quis narrare

 

Queat tot prodigia,

 

Et tot vestigia?

 

 

 

Ipse te sat depinxisti,

 

Regulam dum conscripsisti:

 

Ut jussisti, sic vixisti;

 

Ut sit sancta Regula

 

Viua tui tabula.

 

 

 

In hac te cernendum ponis

 

Speculum perfectionis,

 

Vitis ô! Religionis;

 

Cuius sacri palmites

 

Tangunt terrae limites.

 

 

 

Papas, quae bis duodenos,

 

Cardinales bis centenos,

 

Sexcentos supra millenos

 

Dedit Archiepiscopos,

 

Quater mille Episcopos.

 

 

 

Quid loquar Imperatores?

 

Reges, Duces, & Doctores,

 

Tot Abbates, & Scriptores,

 

Conditores Ordinum,

 

Et tot choros Virginum?

 

 

 

Quis ô Iubar gloriosum,

 

Lignum virens, & frondosum,

 

Semen tuum copiosum,

 

Et fructum quem protulit,

 

Numerare potuit?

 

 

 

Seros nos Pater nepotes,

 

Illis iunge, sicut potes,

 

Qui secuti tuas dotes

 

Tecum sunt in patria,

 

Tot Sanctorum millia.

 

 

 

Magne Pater Benedicte,

 

Gloria circumamicte,

 

Nomine de tuo dictae

 

Benedic familiae,

 

Sacrae dux militiae.

 

 

 

Doctor tuae norma legis,

 

Ductor tui forma gregis,

 

Nos ad thronum summi Regis

 

Expurgatos faecibus

 

Perduc tuis precibus.