Den lust-hof der Christelycke leeringhe

Vande goede vvercken.

Vra.

VVAt wercken werden seer
Ghepresen, en verheven?

Ant.

Aenbidden Godt den Heer',

Vasten, en aelmoes' gheven.⁺

+ Tob. 12. 8.

[p. 318]

Liedeken vande goede vvercken.

Op de wijse:
Adonay genadigh' Heere. Looft, o Sion, u behoeder. 215.
Oft als hier volght:

[p. 319]

 

CHristen menschen, die wilt leven

 

Met Godt in des hemels vreughd,

 

Wilt vry-willigh u begheven

 

Tot goe' wercken, en de deughd;

 

Waer toe Godt ghebenedijdt

 

Gheeft ghenade, wil, en tijdt.

 

 

 

Laet u niet te seer ghenoeghen

 

Het gheloove naeckt en bloot,

 

Soeckt daer wercken by te voeghen;

 

Sonder die 'tgheloof is doodt.⁺

 

Op 'sgheloove gronde bout

 

Schoon ghesteente, silver, goudt.

 

 

 

In Godts woordt werden verheven

 

Dry goe' wercken naemelijck;

 

Bidden, vasten, aelmoes' gheven:⁺

 

Welck' ons zijn betaemelijck,

 

Om dat meest in dese leyt⁺

 

Deses levens saligheyd.

 

 

 

Heft u hert' tot Godt almachtigh,⁺

 

Door 'tghebedt, hoogh boven d'eerdt;

 

Looft hem, danckt hem, weest aendachtigh;

 

En dat saligh is begheert:

 

Maer dat ghy bidt met den mondt,

 

Peyst dat oock in 'sherten grondt.

 

 

 

Wildy dat 'tghebedt behaghen

 

Sal des hooghsten Godts aenschijn;

 

Laet het daer twee vleugh'len draghen,

 

Aelmoes-ghift', en 'tvasten fijn:

 

Welcke maecken ons ghebedt

 

Vruchtbaer, aenghenaem en vet.

 

 

 

Wilt-men 'thert' tot Godt verwecken,

 

En verheffen altemet;

 

Lust des vleeschs sal't neder trecken,

 

Gheldt en goedt den gheest belet:

 

Maer het vasten maeckt 'thert' licht,

 

Aelmoes mindert 'tgheldts ghewicht.

 

 

 

Die dan boven aerdtsche dinghen

 

Hem verheffen wil tot Godt,

+ Iac. 2 4.
1. Cor. 3. 22.

+ Tob. 12. 8.
Matth. 6. 1.

+ Aug. in Psal. 42.

+ Aug. lib 2 de serm. Dom. in monte, c. 7.

[p. 320]

 

Moet door 'tvasten 'tvleesch bedwinghen,

 

En oock doen naer Godts ghebodt:

 

Sijn ghebedt snijdt door de lucht,

 

Die besnijdt des vleesch ghenucht'.

 

 

 

⁺Doet dan goedt sonder ophouwen,

 

Als ghy tijdt hebt, ende stondt:

 

Sonder wercken te betrouwen,

 

Is maer bouwen sonder grondt:

 

Maer die goede wercken saeyt,

 

Naermaels 'teeuwigh leven maeyt.

+ Gal. 6. 10.

Aelmoese.

⁺Wilt in der armen schoot
Vw' aelmoes-ghifte stoppen,
Die sal in uwe noodt
Voor 'shemels deure kloppen:
Ghelijck den heeten brandt
⁺Door 'twater werdt gheslist,
De mildt-ghevende handt
De sonden oock uyt-wist.

+ Eccl. 29. 15.

+ Eccl. 3. 33.