Den lust-hof der Christelycke leeringhe

[p. 352]

[p. 353]

Desiderium videndi Deum.

Ad modulos:
Menschen gierigh van aerde. Menschen, aenhoort mijn klaghen. pag. 343. Stelt noyt uyt uw' ghedachten. pag. 339.

NOn ceruus ad fluenta
⁺Sic aquae properat,
Mens gratis vt praeuenta
Deum desidaerat:
Ad te, Deus, sitiuit
⁺Ceu tellus arida:
Te, sine quo non viuit
Ardenter exquisiuit,
Mens siti torrida.

Externas regiones
Relicta patria,
Vt mores, nationes,
Vrbes, & atria
Spectet, si petat multus
Et frequens populus,
Cur lumen tui vultus,
Ni penitus sit stultus,
Non quaerat oculus?

Vt queat Salomonem
Regina cernere,
⁺Sabaeam regionem
Est ausa spernere:
Et te, mi Iesv bone,
Ego non cuperem?
Maiori ratione,
⁺Maiorem Salomone
Cur non inquirerem?
O quando te videbo?⁺
O quando veniam,
Et ante te parebo
Deus per gratiam?
O facies decora,⁺
Vt quid absconderis?
Cur prolongatur mora?
Heu! cur differtur hora
Qua mihi ostenderis?

Videre cum Zachaeo⁺
Te Iesv cupio?
Sed obstat turba meo
Heu! desiderio;
Malarum passionum
Me turba praepedit,
Puluis affectionum,
Praeuaricationum
Me pondus impedit.

Sum meritis pusillus
Vt Iesv videam:
Quid igitur tantillus,
Quid, oro, faciam?
Ascendam sycomorum,
Illinc prospiciam?
O lumen oculorum,
Dilecte mi votorum,
Da te conspiciam.⁺

+ Psal. 41. 1.

+ Psal. 142. 6.

+ 3. Reg. 10. 1.

+ Matt. 12. 42.

+ Psalm. 41. 3

+ Cant 2 14.

+ Luc. 19. 3.

+ Prouerb. 31. 2.

[p. 354]

 

Me corporis inuolui

 

Ah! scio carcere;

 

⁺Sed cupio dissolui,

 

Et tecum viuere:

 

Te nemo viuens, disco,

 

⁺Videbit hominum;

 

Te tamen concupisco,

 

Hoc liberatus visco,

 

Videre Dominum.

 

 

 

⁺O forma speciose

 

Prae cunctis filiis!

 

⁺O pulcher! ô formose,

 

Pascens in lilijs!

 

Ad te Iesv suspiro,

 

Te nihil melius;

 

Anhelans modo miro

 

Te Deus, te requiro,

 

Et nihil amplius.

 

 

 

Cedat quodcumque munus,

 

Valete somnia:

 

Te mihi Deus vnus,

 

Solus es omnia.

 

Pulchrum, suaue, molle,

 

Mundus possideat;

 

Haec fateor me nolle.

 

Haec tolle, Munde, tolle;

 

Mî Iesvs maneat.

+ Philip. 1. 23.

+ Exod. 33. 20.

+ Psal. 44. 3.

+ Cant. 1. 15.