Het paradijs der geestelijke en kerkelijke lofzangen (onder pseudoniem Salomon Theodotus)

[p. 722]

Volghen de psalmen die inde Heilighe Kercke ghebruyckt worden, in de Vesper ende Compleet, op Sondaghen ende Heilighe daghen. Dominica ad Vesperas.

Psalmvs 109.

DIxit Dominus Domino meo: Sede à dextris meis.
Donec ponam inimicos tuos: scabellum pedum tuorum.
Virgam virtutis tuae emittet Dominus ex Sion: dominare in medio inimicorum tuorum.
Tecum principium in die virtutis tuae in splendoribus sanctorum: ex utero ante luciferum genui te.
Iuravit Dominus, & non poenitebit eum:
Tu es sacerdos in aeternum secundùm ordinem Melchisedech.
Dominus à dextris tuis: confregit in die irae suae reges.
Iudicabit in nationibus, implebit ruinas: conquassabit capita in terra multorum.
De torrente in via bibet: poptereà exaltabit caput.
Gloria Patri, & Filio: & Spiritui sancto.
Sicut erat in principio, & nunc, & semper: & in saecula saeculorum. Amen.