Auriacus, sive libertas saucia

[p. 14]

Chorvs senvm Flandrorvm profvgorvm.

Sapphici. duo Glyconici. Reliqui Anapaestici.

Blanda torpentis requies senectae
Vitrei fontes, & amaena Tempe:
Tuque spes nostrae domus illa; quae me
Lucis in molles orientis oras
Prina fudisti, pueremque longe

Curarum vacuum & metu

Vidisti pede mobili,

Et ridenti molliter ore
Nimium dulces texere ludos:
Tenuesque inter serpere curas.
Tuque suävis puero ab nota
Villa senique, posthac numquam
Habitanda vale. Sors dura vocat,
Dubiumque regit fortuna pedem,
Subit aeque vices. Tuque meorum
Ab natorum blanda propago,
Hilari ridens saepius ore
Medio in luctu; nescia rerum
Curaeque tuae; patri îunctos
Dirige greßus: casusque tuos
Disce, & saevi fulmina fati.
Tu quoque si quem coniux nobis

[p. 15]

 

Vtero gestat nescia faetum;

 

Natus nondum, tamen exuleris:

 

Patriamque fugis nascendus adhuc:

 

Et tibi paena vitâ prior est.

 

Lachrymas tellus, lachrymas tellus

 

Patria tellus, ultima nostri

 

Dona doloris impreßa tene.

 

Poscimur ah ah, nos relliquiae

 

Genus effaetum, saturumque aevi:

 

Quibus infelix spiritus aegrè

 

Placidam ducit luminis auram.

 

Pars aequoreas VValachrûm sedes,

 

Aut horrentem Marte Batavum,

 

Et spumantem littoris oram

 

Patris Oceani, visam nunquam

 

Ibimus eheu; aßueta prius

 

Placidis ah gens vivere campis:

 

Pars caerulei gurgite Ponti

 

Toto avulsos orbe Britannos;

 

Aut incoctum solibus Indum:

 

Pars sudantem proprio semper

 

Sanguïne Gallum. Miseri, miseri,

 

Quos incertum dubiumque vocat!

 

Pax Flandriacas placido tenuit

 

Foedere gentes, patrioque foco

 

Veterum fluxit vita parentum:

 

Et tranquillo tutus in aruo

 

Vidit teneros ire nepotes

[p. 16]

 

Auus, & lepidam currere turbam:

 

Qui vicinum cerneret agrum

 

Peregrinus erat. Patria tellus,

 

Patria tellus, saxaque & antra,

 

Et cognatae vallibus umbrae:

 

Patria tellus Flandria nostros

 

Imbibe questus.