Emblemata. Vol-sinnighe uytbeelsels

20. Transeat.

Verdraget en volherd o Jeuget in u leeren,
V moet niet sincken laet, maer dagelicx vermeeren,

Soo daer een buye komt en u op 't hooft blijft staen

Dat hebbe synen gang die sal wel ouergaen:

Na 'tsure volgt het soet, valt nu van bouen neder
Den hagel, regen, snee, met een onstuymich weder,

De Sonne comt daer na, die ons haer schijnsel geeft

En wederom verheucht al wat op aerden leeft.