Emblemata. Vol-sinnighe uytbeelsels

[fol. B3v]

35. Posteritati.

Veel Boomen in mijn Land ick poot aen alle canten,
Hoe wel ick geen genut kan hebben van mijn planten,

Voor mijn nacomers sal de vrucht te plucken staen,

Ick doe gelijck voor my te voren is gedaen.

Also heb ick den staet des houw'licx niet vercoren,
Om vleeschelicke lust, die ons mach comen voren,

Maer op dat ick 'tgeslacht met kinderen vermeer,

En Gode na mijn doot door hare monden eer.