Emblemata. Vol-sinnighe uytbeelsels

46. Tandem fit Arbor.

Den Boom die ghy hier siet hooch inde Locht geresen
Plach een teer rijsken oft een kleyne struyck te wesen,

Hoe kleyn een struyxken is een Boom wort metter tijt

Die syne tacken dan uyt spreydet breet en wijt:

Alsoo oock menich kint in syne Jonge Jaren
Seer weynich zijnd' geacht, wort metter tijt ervaren,

So dat syn wetenschap, so dat syn wijsen Raet

Hem eyndelicken brengt tot eenen grooten staet.