Emblemata. Vol-sinnighe uytbeelsels

[fol. D4v]

98. Aut Mors aut vita decora.

Van tween heb ick de keur, ick can met schanden vlieden,
Oft dit groot wilde Swijn met eeren tspitse bieden,

Ick sie het fel gelaet daer med' het tot my comt,

Nochtans mijn hert en is daer van geensins beschromt,

Ick wil het vallen aen, en stoutelick aenranden,
'Tis beter eerelick te steruen, dan met schanden

Te leuen, wat is doch sulck leuen voor een Man?

Daer inmen lof noch prijs noch eere crijgen kan.