Emblemata. Vol-sinnighe uytbeelsels

Embleme 2.
Superat solertia vires

Die wercken vanden Heer syn lof end eer verbreyden
En over al den geur van sijne kracht uytspreyden,

Den eenen geeft hy macht om wercken metter hant

Den swacken gheeft hy weer een innerlijck verstant,

Soo dan den eenen hem kan door syn kracht gheneiren
Den anderen door de konst heeft mede syn begheiren,

Ghelijck het Weseltghen hoe wel 'tgeen kracht en heeft

Voorsichtich op een schors sich over d'water gheeft.