Emblemata. Vol-sinnighe uytbeelsels

Embleme 34.
Memento mori.

Gelijck den uyl doorgaens ontvlieght der sonnen luyster
En altijt sich begeeft ter zijden in het duyster,

Al of hy op de doot gestadichlijcken dacht,

Des werelts schoonheyt schout en vliegt alleen by nacht:

Alsoo ghy aertsche Mensch die alle dijne sinnen
Opt werelts hebt ghestelt om 'tgroote goet te winnen,

Ghedenckt doch d'uyterst eynd, denckt dat ghy sterven sult

Soo blijft ghy uytte sond, soo blijft ghy uytte schult.