Emblemata. Vol-sinnighe uytbeelsels

Embleme 92.
Non nobis.

De Geesten wijt vermaert die door hun vlijtich dichten
Oud' ende Jonghe met vermaken kunnen stichten,

Ghenieten weynich nuts, een ander van haer heeft

Den arbeyt die sy doen, den Geest die in haer leeft:

Ghelijck die Bijen doen die vande Bloemen garen
Met moet den Honich soet en die voor andre sparen,

Een ander heeft den smaeck van haren honichraet

Die haer veel arbeyts gheeft, seer weynich t'haerder baet.