Pest-spieghel(1602)–Zacharias Heyns

1. Handeling. 4. Verschoning. Goed aert. Ootmoet.   Daer gaen zy heenen nu die't hier in roeren setten,   En menich man om goet te doen altijdt beletten   Maer hier een ander siet die my veel bet behaecht:   Wel Ootmoet waer nae toe, wien soect ghy hier doch Maecht?   Wat weent ghy weder aen, waer toe dees natte doecken?   Ootmoet.   Mijn Heere waerde Man u com ick leyder soecken   D'een ong'luck t'uwen huys eylaes op d'ander coomt   Goed aert.   De waerheyt segt recht uyt, wat ist? u niet en schroomt:   Mijn huys vrou is die cranck dat ghy dus zijt beladen?   Ootmoet.   O lieve waerde Heer ghy hebbet rechts gheraden,   En uwen sone med' alreede leyt en sterft.   Goed aert.   Loopt ghy stracx weder thuys al eermen u bederft   Wilt v gebedt met haer tot God den Heere dwingen,   Ick sal de Medecijn en Meester mede bringhen.