De hane va Job. Euëver deere en luuj oet 't land va Mergraote

[p. 106]

E Hergodswaer*

es 't d'r ieërsjte kruusdaag reeëgent kömp sjlech huijwaer.
es 't d'r twiejede kruusdaag reeëgent kriege v'r eine naate owgs.
es 't d'r driejde kruusdaag reeëgent kriege v'r ein naate zaod.

De keu vreeëte mit vief moele,
Ze trampele mit veer poeëte
Weijentaere d'r waas* weg in koele
Vol prats en maoje*, klein' en groeëte.

De roene* en maere sjtooën op de bloeëte
Weij mit de veuëles tegeneen te sjoele.
't Is gei waer väör knabbe aaf te sjtoeëte*,
Op de gewande* liegke de vruchte te voele*.

‘V'r höbbe os meuj gekald äöver 't waer
Dit jaor en 't blief mar reeëgene,’
Zaet Winandus, ‘zows - te dich neet zeeëgene
Mit de tieëne* biej dit hergodswaer;
Dao is 't oetgesjeid mit sjtilreeëgene;
Went 't zooë deed, reeëgent 't gaer.’