De hane va Job. Euëver deere en luuj oet 't land va Mergraote

[p. 108]

Boarenhaan adieë

Wae haat d'r boerenhaan versjtand gegeeëve? Job, 38, 36
dao zunt d'r veer die eine gruuëtsje gank höbbe: eine lieëw,
eine haan, eine bok, eine keuëning. Spreuken 30, 29-31

Wae haat d'r boerenhaan versjtand gegeeëve?
Huuër 'm krieje; wiejer es klokkeklank
Reegelt hae mit zienen hanenzank 't boereleeëve;
't Kumt reeënge, 't geuf good waer, Goddank.

Wae gaof d'r boerenhaan ziene gruuëtsje* gank?
Zuug 'm loope väörop, zuug 'm sjtappe neeëve
Zien hoonder euver ziene bekinde begank*:
Dao greijt* hae eeëve parmaantig allezeleeëve*.

Boerenhaan mit al de kleure van de blomme oet 't veld,
Oewe biste blieëve mit dienen hanesjreij
Op d'r mistum, op de sjeur, i g'n sjtraot?

Boerenhaan adieë, huujt'gestaag* weurt d'r haan
besjteld*,
Zoeëne begienetraejer* zoonder bezeig*
Mit hoonder masjienaal gemak op maot.