Gedichten
(1981)–Willem van Hildegaersberch–
Auteursrechtelijk beschermdGa naar margenoot+XLV. Een notabel.Maria, vron, dijn reynicheit
Die wese huden mijn ommecleyt
Voer alle misval ende leit,
Jeghens die vyanden mijn.
5[regelnummer]
Maria, vrouwe, dijn oetmoet
Beveel ic lijff, ziel ende goet,
Dat nyemant hoveerde an my en doet,
Felheit, nijt in mijn aenschijn,
Des wil ic di bevolen sijn.
10[regelnummer]
Maria, vrouwe, hemels lucht,
Ic bevele mi der selver vrucht,
Die ghi droecht sonder mans gherucht,
Reyne maghet, moeder ende wijff!
Maria, vrouwe, doer die minne,
15[regelnummer]
Die ghi droecht in uwen sinne,
Laet my verenicht sijn daer inne,
Soe dat my laet der duvelen kijffGa naar margenoot+
Onbezeert an ziel ende an lijff.
Maria, doer dat bitter wee,
20[regelnummer]
Die ghi woud lyden, reyne twee,
U lieve kint voer die kersten ee,
Ende ghi voer yammer sijnre doot,
O Maria, weerde vrouwe,
Soe helpt my an een gans berouwe
25[regelnummer]
Int scheiden, daermen my bescouwe
Voer uwes soons gherecht al bloot,
Ende blijft bi mi in alre noot.
Maria, ic beveel mi dinen naem,
Die God selve is soe bequaem,
30[regelnummer]
Dat hi mit ziele ende mit lichaem
Di heeft ghecroont ter rechter hant.
Maria, di bevele ic voort
Mijn sin, mijn werck ende mijn woort,
| |
[pagina 92]
| |
Ga naar margenoot+Ende allent dat my toebehoert,
35[regelnummer]
Gesonde off siect in enich lant,
Hout my int beste, dats di becant.
Maria, vrou, dijn naem di woont
Boven twaelff coninghen ghecroont
Van Ysrahel, die ons verschoont
40[regelnummer]
Byden twaelff apostelen goet,
Maria, vrou, die waren bi di
In dijnre noot, soe wes bi my.
In allen noden, waer ic sy,
Bevele ic my in dijn behoet
45[regelnummer]
Voir boser vyanden overmoet.Ga naar margenoot+
Maria, vrouwe, morghensterre,
Die enghelen loven, na ende verre,
Dijn soeten name, die ons die werre
Van Adams sonden al offdede;
50[regelnummer]
Maria, di antwoordic dan
Van allen sonden, daer ic can
Yet menschelic ghescheiden van;
Verlos mi mit dijnre bede,
Du tempel der Drievoudichede!
|
|