Horae Belgicae

[p. 1]

Een beghinsel van allen spelen.

Ghi heren, god daert al an staet
die moet u gheven selken raet
dat ghi met peise in eendrachticheden
goet gheselscap altoos moet leden.
minne ende bliscap sonder scheiden
gheve ons god in sijn ewicheiden.
men siet ghemeinlic ende hets waer
dat alle die liede hier ende daer
haer herte in eneghe dinc vervrojen:
in steecspele ende in boerden of in tornojen,
in dansen, in hoven, in wel varen;
die ander in valken ende in sporwaren
te vlieghene met haveken ende met musketten.
som liede voghelen metten nette.
selc houden sotte daer si met folen.
som houden si voghelen in ghejolen
om dat si hem te somertide
met haren soeten sanghe verbliden.
som liede gherne met honden jaghen.
selc die gans coert om die craghe,
selc coert den herinc om den roghe.
selc schiet gherne metten boghe.

[p. 2]

 

selc verblijt hem in sijn ghelt:

 

ach leider tmine es saen ghetelt;

25

in derfer mi niet af verblien.

 

selc hoort gherne melodien

 

van orghelen, van ftuten, van souterien,

 

in herpen, in vedelen, in rebebien,

 

in acaren, in luten ende in ghiternen.

30

selc gheet drinken in tavernen

 

al den dach metten ghesellen:

 

somtijts drinken si op die belle,

 

somtijts moeten si hem ontlossen.

 

die selke keien ende dander clossen.

35

som so cloten si ane den bloc.

 

selc worstelt ende selc trect den stoc.

 

selc speelt met appelen, selc met noten.

 

die selc couten, die ander coten.

 

die selke dobbelt, die ander caets.

40

deen speelt tavelspel ende dander scaets.

 

scoon perde die selke gherne anscouwen.

 

selc verblijt hem in sconen vrouwen.

 

selc heeft ghenoechte in quaden pitsen:

 

dese bliven somtijts ane die litsen.

45

selc leghet sijn herte ane sine nature

 

ende wil aen spele van paerturen.

 

god gheve dat elc goet gheselle

 

sijn herte met eren in doochden stelle.

 

men vint exempel harde vele,

50

al eest dat se sotte spelen,

 

daer subtijlheit leghet ane.

 

nu hoort ende pijnt u te verstane!