¶ Nr. 42.
Dit is die wise:
Dat gheschiede op enen nien jares nacht,
dat men te Doesborch groot...
1.[regelnummer]
Ic en wil die werelt achten niet
ende dienen god in trouwen.
hi sal ons lonen nae deser tijt
ende gheven ons grote vroude.
2.[regelnummer]
Laet ons niet truren in gheenre noot,
wi willens gode betrouwen:
hi heeft gheleden den bitteren doot,
aen hem wil ickes mi houden.
want ghi sijt al vol trouwen,
dat ic nae deser corter tijt
godes aensichte moet aenschouwen!
4.[regelnummer]
Och mochtic noch den dach gheleven
ten einde van desen jare,
dat ic die gracie godes vercreghe,
so en waer mi gheen dinc sware!
5.[regelnummer]
Och hemelsche vrouwe, gaet mi niet af!
Maria, staet mi in staden!
aen u staet waerlic alle mijn troost,
6.[regelnummer]
Als ic mit gode verenighet bin,
so gaet het nae minen begheren,
mi sal so wel te moede sijn,
mi en mach dan niemant deren.
7.[regelnummer]
Nu is mijn hert so seer verblijt,
dat ic mit gode sal wesen
ende sijns ghebruken ewelic
B. 31. - Hs. 5, 3. steet - 6, 2. gaedet (gaet het).
Auteursrechtelijk beschermd