¶ Nr. 88.
1.
Begheerte, nu vlieghet ten hemel op,
groet mi mijn lief ende secht hem lof!
deus omnipotens misericordie.
2.
Secht hem, dat ic van minne quel,
het gaet mit mi al uten spel.
3.
Sijn minne staet vast in minen sin,
en wils niet meer, mi en doochs niet min.
4.
Nimmermeer en worde ic ghesont,
sijn hoghe minne si mi cont.
5.
Hi heeft mi in minen gront gheraect,
sijn stralen sijn weder ghehaect.
6.
Hi is een soete honichvloet,
die droghen herten groeijen doet.
7.
Hi mach wel draghen goeden moet
die mint dat ongheschapen goet.
8.
O siele, wilt ghi nu meien gaen?
gaet daer seraphin gulden harpen slaen.
9.
Al daer is clanc ende overclanc,
daer is der soeter minnen sanc.
A. 21. - Hs. 3, 1. steet - 4, 1. werde - 6, 2. groyen -