Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


VIII. ¶ Een nyeu liedeken. 1.[regelnummer] AY lacen rijck God Heere Wat sal ic nv aengaen Jc soude so geerne myn liefken spreken. Eylacen mer ick en can Jst dat ic slape, wake, ete oft drincke Tis quaet wat ic beghinne Altoos staet si in minen sinne Jn minen soeten sinne Altoos staet si in minen sinne Jnt herteken van binnen 2.[regelnummer] Mijn lief hadde mi ontboden Si seyde si soude mi trouwen ende daer en is si niet bleuen bi die alder schoonste vrouwe. Hadde si ghehouwen So waer mijn hert ghesont Adieu schoon lief mijn rode mont. Adieu schoon lief myn roode mont Ende blijft altoos ghesont
[pagina 13]
3.[regelnummer] Jc sach mijn alderliefste lief So vrolic aenden danse gaen Si was fraey gheciert Scaerlaken had si aengedaen. Jc badt haer vriendelijcken Al om haer beste cleet God gheue die nyders alle mijn leyt God geue quaey tongen. . God geue quaey tongen. . die quaet van mijn lief seyt. 4.[regelnummer] Och had ick eenen wensche Mer dien ic wenschen souwe Jc sou mi seluen gaen wenschen Bi een so schoonen vrouwe Haer vriendelic aengesichte Beuruecht dat herte mijn Van haer te scheyden doet mi pijn Het doet mijnder herten pijn Haer vriendelijck aenschijn Verfraeyt dat herte mijn 5.[regelnummer] Beneden aen mijn herte daer staet so diepen hol dat is den druc mijn leuens Des lijdens ben ick vol Dat daer, dat daer, dat daer Dat daer geen blijschap in en mach. Hebt ghi schoon lief goeden dach Hebt ghi scoon lief . Hebt ghi. . Alst anders niet zijn en mach

Vorige Volgende