Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


XX. ¶ Een liedeken van sint Jacob. 1.[regelnummer] DAts wildi vander waerheyt horen singen Rijc heer god so latet mi volbringen Die waerheyt die ic v singhen sal. Van vader ende van sone Een wonderlijck gheual 2.[regelnummer] Die vader sprack tot sinen sone met liste. Een so goeden beuaert dat hi wiste Al op den wech sint Jacobs waert hi wilde wel versoecken Den milden onghespaert. 3.[regelnummer] Mer doen si aenden wege quamen gaende Eens waerts huis dat si daer vonden staende Die vader totten sone sprack Wi willen ons ghelt verteeren Ende houden ons ghemack 4.[regelnummer] Die weert sprack tot alle sine gasten Jck hebbe ons bereyt al vanden besten Eet, drinct ende weset vro. Wi willen genoechte hantieren dat sprack die weert also.
[pagina 27]
5.[regelnummer] Mer doen die goede broeders waren geseten die dochter vanden huyse quam ghestreken Costelijck in dier ghewaet den alder ioncsten broeder Thoonde si een fier ghelaet. 6.[regelnummer] Die dochter sprac tot haren vader bouden den alder ioncsten broeder wil ic behouden. Want hi is edel ende fijn Scheyt hi nv van henen. So swijcket dat herte mijn 7.[regelnummer] Die vader van sinen sone dat verhoorde. Hi antwoorde met so soeten woorde Mijn sone met mi ende ick met hem Wi willen sint Jacob besoecken Als warachtich pelgrem 8.[regelnummer] Tsauonts als die broeders slapen ginghen Die dochter peynsde om haer valsce dingen Ende si nam eenen vergulden nap Met verradenissen Stacken si in des vaders sack 9.[regelnummer] Tsmorgens als die broeders waenden gangen So quam die valsche weert en dedese vangen Die weert tot sinen rechter sprac Dese heeft mi ghestolen Mijnen vergulden nap 10.[regelnummer] Die sone van sinen vader dat verhoorde Hi antwoorde met so soeten worden Jc wil voor mijnen vader staen Alle sine schulden Wil ick op mi ontsaen 11.[regelnummer] Die heeren daer toe in rade ghinghen Den sone dat si voor den vader hinghen Den oudtsten broeder lieten si gaen Mer hoe dat spel ten eynde quam Dat sult ghi verstaen 12.[regelnummer] Mer doen die vader tot sint Jacob quam Hi sprac heer sint Jacob wat heb ic misdaen
[pagina 28]
Jck hebbe verloren mijnen sone Buyten sinen schulden. Helpt heere god wten throone. 13.[regelnummer] Die vader offerde ende quite sijn beuaert Ende ginck wederom tsinen lande waert Daer hi sinen sone quam bi Och sone sprack hi sone Dese beuaert schencke ick dy 14.[regelnummer] Die sone tot sinen vader sprac wederomme Die beuaert is v gheworden suer om doene Verblijt v nv ende weset vro Sinte Jacob heeft mi geholpen Maria wt alder noot 15.[regelnummer] Die vader verhoorde dat so gheringhe. Hi ghinck tot dier herberghe binnen Daer laghen drie hoenderen biden vier Doen sprack tot hem die valsche waert Wat dinghe doet ghi hier 16.[regelnummer] Jc ben die selue broeder die sint Jacobs ginc Doemen mijnen sone aender galgen hinck Mijn sone leeft noch hi en is niet doot Sint Jacob heeft hem geholpen Maria wt alder noot 17.[regelnummer] Die valsche waert began te grimmen Waerom liechdy met uweu schimmen Tis also waer al ouerluyt Als dese ghebraden hoenderen Vlieghen ter doren wt. 18.[regelnummer] Mer eer die waert dat woort wt sprack Deen hoen na den anderen vanden speet brac Si vloghen opter straten Si vloghen op sinte Dominicus huys. Daer alle die broeders saten 19.[regelnummer] Mer doen die heeren dat verhoorden Si riepen alle met luyde woorden Wel op pastoor ende cappellaen
[pagina 29]
Wi willen met processie Onder dat gherechte gaen 20.[regelnummer] Mer doen si onder dat gerechte quamen Den ontschuldighen man dat si af namen Den waert datmen voor hem hinck Die dochter wert ghedoluen Si haddet wel verdient 21.[regelnummer] Dit liedeken dat wi singhen is seker waer. Sinte Jacob dede groot miracel daer Veel broederen tuyghent ooc met dien Die met haren ooghen Dit wonder hebben ghesien.

Vorige Volgende