Horae Belgicae


LXXII. ¶ Een oudt liedeken. 1.[regelnummer] HEt viel een coelen douwe Tot eender veynster in Tot eender huebscer vrouwen. Gheuangen int herte mijn. O lieffelijc ombeuanghen Staet op ende laet mi in Na v staet mijn verlanghen By dy so wil ick zijn 2.[regelnummer] Dat meysken was beheynde Si liet den knape in So heymelijc op een eynde. Al in een camerkijn daer laghen si twee biden ander. die wile en was haer niet lanc. de wachter opter tinnen lach hi hief op een liet hi sanck. 3.[regelnummer] Swyghet wachter stille Jck wil v gheuen loon Mi dunct een vroulic beelde Des ick gheen rou en hae Si leyt in mijnder herten Si breket mijnen sin. Bi haer so wil ick blijuen Si is die liefste mijn 4.[regelnummer] Bi haer so wil ick blijuen Bi haer so ben ick gaerne
[pagina 108]
Si heeft twee valcken oogen Si is mijn morghen sterre Si heeft twee witte wanghen Ende eenen rooden mont ons heer god wilse behoeden Jn alder duecht ghesont 5.[regelnummer] Al voor myns vaders houe Daer staen twee boomkens fijn die een draecht noten mischaten Die ander goede nagelkijns. die noten die sijn soet Die naghelen zijn goet die wil ic die liefste draghen Tot eenen frisschen vrijen moet