Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende LXXIV. ¶ Een oudt liedeken 1.[regelnummer] HEt viel eens hemels douwe Voor mijns liefs vensterkijn Jck en weet geen schoonder vrouwe si staet int herte mijn si hout myn herte beuangen. Twelck is so seer doorwont Mocht ic troost ontfanghen so waer ic gansch ghesont. 2.[regelnummer] Die winter is verganghen Jc sie des meys virtuyt Jc sie die loouerkens hangen die bloemen spruyten int cruyt Jn gheenen groenen dale. daer ift genoechlijc zijn daer singhet die nachtegale Ende so menich voghelkijn [pagina 111] [p. 111] 3.[regelnummer] Jc wil den mey gaen houwen voor myns liefs veynsterkijn Ende scencken myn lief trouwe die alder liefste mijn. Ende segghen lief wilt comen voor v cleyn vensterken staen ontfaet den mey met bloemen Hi is so schoone ghedaen 4.[regelnummer] Tmeysken si was beraden. si liet haer lief in Heymelic al stille Jn een cleyn camerken daer lagen si twee verborghen Een corte wijle ende niet lanc die wachter opter mueren. Hief op een liet, hi sanck 5.[regelnummer] Och isser yemant inne die schaf hem balde van daen. Jc sie den dach op dringhen Al in dat oosten op gaen Nv schaft v balde van henen Tot op een ander tijt den tijt sal noch wel keeren Dat ghi sult zijn verblijt 6.[regelnummer] Swighet wachter stille Ende laet v singhen staen daer is so schoonen vrouwe. Jn mijnen armen beuaen Si heeft mijn herte genesen Twelc was so seer doorwont Och wachter goet gepresen En makes niemant condt. 7.[regelnummer] Jc sie den dach op dringhen. Tscheyden moet ymmer zijn Jc moet mijn dageliet singen Wacht v edel ruyter fijn. Ende maect v rasch van henen. [pagina 112] [p. 112] Tot op een ander tijt. den tijt sal noch wel comen. dat ghi sult zijn verblijt. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd