Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


XCV. ¶ Een nyeu liedeken. 1.[regelnummer] JNt soetste vanden meye Al daer ic quam gegaen So diep in een valleye daer schoon bloemkens staen. 2.[regelnummer] Die mey stont int saysoene. Verchiert aen elcken cant Jc hadde genoech te doene Want ick mijn lief daer vant 3.[regelnummer] Jc vantse daer alleyne Si bant haer gheluwe hayr Bi een claer fonteyne dus quam ick al neuen haer 4.[regelnummer] Als si mi wert gheware So seere dat si verschoot Doen quam int openbaer Haer liefde die si mi boot 5.[regelnummer] Jc groetse vriendelijcke Jc boot haer goeden dach. Doen dede si mi des gelijcke. die mi troost gheuen mach 6.[regelnummer] Schoon lief om een bede dwelc reyn liefde prijst Dat ghi gheen dorperhede Mijn lichaem en bewijst 7.[regelnummer] En wilter niet af spreken Want v sal niet misschien ter doot toe soude ict wreken Saghe ick v onghelijc bien. 8.[regelnummer] Schoon lief tot uwer scaden. Hebdy mi geuonden hier
[pagina 144]
Wi twee wi zijn verraden Ons vianden comen hier 9.[regelnummer] Al wt mijns vaders houe Dat vol verraders staet Maria tot uwen loue Wilt ons nv gheuen raet 10.[regelnummer] Den raet die ic sal vinden En is te mael niet goet Jc moet mijn leuen eynden Ende storten mijn roode bloet. 11.[regelnummer] Schoon lief om uwen wille. So wil ick steruen den doot die verraders swijghen stille Si zijn mijn ouerhoot 12.[regelnummer] Jck wilse gaen bestormen Ende maken groot geschal Myn lichaem hoort den wormen Dwelc ic hem gheuen sal. 13.[regelnummer] Men gincker stormen ende strien haer lief die bleef daer doot Waer sal ic nv gaen oft rijen Noyt vrou in meerder noot 14.[regelnummer] Si was van rou ghestoruen Wanneer si sach zijn bloet. Die strenge doot verworuen Door grooten teghenspoet 15.[regelnummer] Die dit liedeken dichte Js dicwils sonder ghelt dat doet hem een zijn nichte Die hem te voren telt.

Vorige Volgende