Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CXXXII. ¶ Een liedeken vanden mey. 1.[regelnummer] OCh ligdy nv en slaept. Mijn wtuercoren bloeme Och ligdi nv en slaept. Jn uwen eersten droome Ontwect v soete lief wilt door v veynster comen Staet op lief wilt ontfaen Den mey met sinen bloemen 2.[regelnummer] Wat ruysschet daer aen die muer Dat mi myn ruste berouet [pagina 199] [p. 199] Die mi tsceyden maect suer. Die leit hier op gedooghe Jn minen arm so vast Wi en connens niet ontsluyten Myn beddeken heeft sinen last plant uwen mey daer buyten 3.[regelnummer] O suyuerlijcke iuecht Wilt nv v rusten laten Doet op dijn veynsterkijn Ende coemt v lief ter spraken Al om te vinden troost So ben ic hier tot v gecomen Staet op lief wilt ontfaen. Den mey met sinen bloemen 4.[regelnummer] Al stondy daer tot morgen Jc en sal v niet in laten Mijn boel leyt hier verborgen Ghi en condt mi niet vermaken Myn herteken op v niet en past Noch op gheen spel van luyten Mijn beddeken heeft sinen vollen last Plant uwen mey daer buyten 5.[regelnummer] Jc sie den lichten dach Al door die wolcken dringen Jc sie die bloemkens schoone Al wt der aerden springhen. Jc sie die sterren claer Die verlichten inden throone Staet op lief ende wilt ontfaen Den mey met sinen bloemen 6.[regelnummer] Waent ghi dat ic nv slape Het is anders dat ic dachte Die mey hout my in wake daer na myn herteken wachte Niet als inder aerden wast Roosen bloemen, oft ander virtuyten [pagina 200] [p. 200] Myn beddeken heeft sinen vollen last Plant uwen mey daer buyten Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd