Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 237] [p. 237] CLIX. ¶ Een amorens liedeken 1.[regelnummer] UAert wech ghepeyns verdriet Mi is so leyt gheschiet. Jck worde altijt bespiet Al voer ick ouer rijn Tis heel met druc doorwiet Soot blijct wel int aenschijn Jc derue die liefste mijn al door die clappaertsfenijn Hoe soude ic blijde ghezijn Dus singe ic een droeflijc liet Mijn herte haer eere biet Mijn vruecht die is al niet Verlanghen ghi doet mi pijn 2.[regelnummer] Och heer oft si mi waer Al tot mijn wederpaer So waer ic sonder vaer Si is mijns herten greyn Den nacht dunct mi een iaer dus suchte ic dicwils swaer Het soude wel wesen, maer Het gebreect aen haer alleyn Si is mijn lief certeyn Jn spijt commer oft dyen haer wesen is so reyn Mocht alle dinc zijn claer dat ic mocht crijghen haer daer boocht mijn herte naer God weet wel wie ic meyn 3.[regelnummer] Fortuyn nv keert v radt Van droefheyt ben ick mat Keert doch aen een ander blat. dwelc mi mach wesen goet. Jc trede den seluen padt Jc bade in trueren badt [pagina 238] [p. 238] Jc ben mijns leuens sadt Jc verteer mijns herten bloet Om dat ic deruen moet Haer aenschijn is so soet Si en is niet diet mi doet Jc en noeme v niemant plat. Die waer om is dat Jc moet verbeyden wat Na ebbe so coemt die vloet 4.[regelnummer] Princersse die mi hout Geuanghen so menichfout Ten is niet al haer schout Want ghi mi vrientschap gant V deruen mi seer rout Jc beminne v bouen gout Mer fortuine mi verdout Al waer ic haer viant dus blijue ic inden brant Al om mijn liefken playsant Jc knaghe den droeuen cant. therte is mi seer dicwil cout Mer den moet is noch stout den geest ooc niet en flaut. Soot blijct na mijn verstant Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd