Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CLXXXIX. ¶ Een nyeu liedeken 1.[regelnummer] Hoort alle toe arm ende rijcke Wat cortelinge is gheschiet Van eenen backer noyt dier gelijcke Ghi sult horen dat rechte bediet 2.[regelnummer] Die vrou begonst den backer te vraghen Lieue melis mijn reden nv hoort Ghi sijt out ende cranck van daghen Aldus v seluen niet en verstoort 3.[regelnummer] Ghy zijt out qualijck condi backen Want v leden staen alte stijf En ghi cont qualijck heffen groote sacken Sprack dat ouerschoone wijf 4.[regelnummer] Och wijf ick weets v so grooten danck Dat ghi mi den arbeyt aldus verlaet Hier woont mijn ghebuer heer vranc Die hem van backen so wel verstaet 5.[regelnummer] Melis ghinck in alsoe corter vren Daer zijn ghebuere sadt biden viere Heer vranc ick soude v gaerne hueren Om uwen wille so come ick hier 6.[regelnummer] Vranc ghebuer ghi moet weten Helpt doch mijn wijf en weest ghestilt Te backen, te budelen en wilt niet vergeten Ghi sult hebben al dat ghi wilt 7.[regelnummer] Die knape was cloeck van bedrijue Hi bacte dat vrouken so wel te pas
[pagina 291]
Die vrou sprac wi en sullen ooc niet kijuen. Hem docht dat backen groten arbeyt was. 8.[regelnummer] Die knape ghinc dat meel begieten Twee maenden lanc drie oft vier Ten lesten began hem den arbeyt te verdrieten En seyde meester ick wil van hier 9.[regelnummer] Melis sprac wildi bi mi blijuen Jc sal v verbeteren v huer Neen ic meester om v ronde schijuen Den arbeyt valt mi veel te suer 10.[regelnummer] Dat vrouken sprac al om begrepen Vrancke ick sal v beteren alle v huer neen ic vrou uwen bactroch te screpen myn meester en ic hebbens bey ghenoech 11.[regelnummer] Meester ic wil gaen soecken auontuer Jc wil gaen nemen mijnen ganc Aldus wilt mi betalen mijn huer die ic verdient heb vier maenden lanck 12.[regelnummer] Melis sprac ic en sal v niet betalen vranc ghi en dient v huer niet wt ghi en cont v vrouwe niet ghepayen daer om sidi een arm druyt 13.[regelnummer] Al is dit van eenen backer ghesongen Niemant en sal hem trecken an Hier voor wacht v venus discipules ionge die den arbeyt niet ghedoen en can

Vorige Volgende