Horae Belgicae

CCVI.
¶ Een nyeu Liedeken

SChoon lief wat macht v baten
Dat ghi my dus persequeert
Op v stont mijn verlaten
Maer lacen ick ben gherefuseert
O amoureusich wesen
En hebdy my niet verleent
Hoe soude my ghenesen
Alst v herteken niet en meent
Na blijschap moet ick trueren
Dies zijn mijn oochskens al in traen
Jck ben so vol dolueren
Want ontrou is my ghedaen
Hoe condt ghy lief ghedoghen
Dat daghelijcx mijn herteken weent
Hoe muechdy vrientschap toghen
Alst v herteken niet en meent
Jck mach my seluen wel haten
Dat ick v liefken oyt aensach
Mijn claghen en mach mi niet baten
Want sy die mi te troosten plach
Die doet mijn herte breken
Dat sy op my dus blijft versteent
Hoe cant den mont ghespreken
Alst v herteken niet en meent
Waer sal ick nv belenden
Mijn lijden dat is swaer

[p. 320]

 

V liefde wil my schenden

 

Dat gaet mijn ionghe dom herte naer

 

dus moet ick druckich leuen

 

Dat ghy my altoos verbeent

 

Hoe soudy my troost gheuen

 

Alst v herteken niet en meent

5.

En haddy mi niet eens troost ghegeuen

 

So en haddic mi uiet betrout

 

Al in v liefde te leuen

 

Het welcke my nv berout

 

Want ick v doen niet en kende

 

So verhert en so versteent

 

Dat ghi my liefde toocht wtwende

 

Alst v herteken niet en meent

6.

Princesselijcke vrouwe

 

Waer om sydy aldus ghesint

 

Dat ghy sedt v betrouwen

 

Tot een ander die ghi bemint

 

En laet mi in drucke blijuen

 

Rijck god hoe ben ick nv verbeent

 

Eylacen ghy condt bedrijuen

 

Dat v herteken niet en meent